Share on Social Media


வாழைப்பழமானது அதிக ஊட்டச்சத்து நிறைந்த சுவையான ஒரு பழமாக கருதப்படுகிறது. அதேபோல வாழைக்காயும் எப்போதும் கிடைக்கும் காயாகவும் இந்திய சமையல்களில் பயன்படுத்தப்படும் உணவாகவும் உள்ளது. மேலும் அனைத்து சீசன்களிலும் கிடைக்கக்கூடிய ஒரு காய்கறியாகவும் இது உள்ளது, இதன் விலையும் குறைவு. வாழைக்காயை கொண்டு சாலடுகள், சிப்ஸ், கூட்டு, பொரியல் மற்றும் குழம்பு போன்ற உணவுகளை செய்யலாம். வாழைக்காயில் பல வகைகள் உள்ளன. ஒவ்வொரு நிலத்திலும் ஒவ்வொரு வகை வாழைக்காய்கள் வளர்கின்றன.

​வாழைக்காயின் நன்மைகள்

பச்சை வாழைக்காயானது இந்தியாவில் அதிகமாக பயன்படுத்தப்படும் ஒரு உணவாகும். திருமண வீடுகளில் சாதாரணமாக வாழைக்காய் பொரியலை பார்க்க முடியும். பச்சை வாழைகாயில் வைட்டமின்கள், தாதுக்கள் மற்றும் நார்ச்சத்து போன்ற சத்துக்கள் அதிகமாக உள்ளன.

மேலும் செரிமானம், எடை மேலாண்மை, இதய ஆரோக்கியம் மற்றும் சர்க்கரை அளவை கட்டுப்படுத்துதல் போன்ற விஷயங்களுக்கும் வாழைக்காய்கள் உதவுகின்றன.

வாழைக்காய்கள் காயாக இருக்கும்போது பச்சையாகவும் பழமானதும் மஞ்சளாகவும் மாறிவிடும். எனவே இவை பச்சை வாழைக்காய்கள் எனவும் அழைக்கப்படுகின்றன, பச்சை வாழைக்காயில் அதிக நார்ச்சத்து இருப்பதால் இவை பசியைக் குறைத்து உடல் எடையை அதிகரிக்க உதவுகிறது.

​குடலுக்கு நன்மை பயக்கிறது

samayam tamil Tamil News Spot

வாழைக்காய்கள் குடல் பாக்டீரியாவை ஆரோக்கியமாக வைத்துக்கொள்ள உதவுகின்றன. குடலில் சில நுண்ணுயிரிகள் உள்ளன, அவை குடலுக்கு நன்மை பயக்கக்கூடியவை. இந்த நுண்ணுயிரிகளின் வளர்ச்சிக்கு வாழைக்காய்கள் உதவுகின்றன. இதன் மூலம் இவை செரிமான ஆரோக்கியத்திற்கு நன்மை பயக்கின்றன. மேலும் இவை கொழுப்பு அமிலங்களின் உற்பத்தியையும் அதிகரிக்கின்றன. அல்சரேட்டிவ் பெருங்குடல் அழற்சி, வயிறு தொடர்பான நோய் மற்றும் வயிற்றுப்போக்கு பிரச்சனைகள் போன்றவற்றை சரி செய்ய இவை உதவுகின்றன.

சர்க்கரை நோயாளிகள் பாவக்காய், கோவக்காய் தவிர்த்து அதிகமாக எடுத்துக் கொள்ள வேண்டிய 5 காய்கறிகள் என்ன…

​இதய ஆரோக்கியம்

samayam tamil Tamil News Spot

சாதாரணமாக பழுப்பு நிற வாழைப்பழங்கள் இதய ஆரோக்கியத்திற்கு நன்மை பயக்கக்கூடியவை. அதே போலவே பச்சை வாழைக்காய்களும் கூட இதய ஆரோக்கியத்திற்கு உதவுகின்றன. இவை பொட்டாசியத்தின் சிறந்த ஆதாரமாக உள்ளன. இதய தசைகள் சுருங்கி இதயம் தொடர்ந்து துடிப்பதற்கு பொட்டாசியம் உதவுகிறது. மேலும் இது இரத்த அழுத்தத்தை கட்டுப்படுத்தவும் உதவுகிறது. இதனால் இதயத்திற்கு இது கூடுதல் நன்மை பயக்கின்றது.

​பசியை கட்டுப்படுத்துகிறது

samayam tamil Tamil News Spot

வாழைப்பழத்தைப் போலவே வாழைக்காயும் நமது பசியை கட்டுப்படுத்த வெகுவாக உதவுகிறது. வாழைக்காயில் உள்ள நார்ச்சத்தானது வயிறை முழுமையடைய செய்கிறது. பசியைக் கட்டுப்படுத்துவது மூலம் இது உடல் எடையைக் குறைக்கவும் உதவுகிறது. எனவே உடல் எடையைக் குறைக்க நினைப்பவர்கள் தினமும் தங்களது உணவில் வாழைக்காயை பொரியலாகவோ, கூட்டாகவோ அல்லது வேறு வகை உணவாகவோ செய்து சேர்த்துக் கொள்ளலாம்.

அதிகமா பனீர் சாப்பிட்டா இந்த பிரச்சினைலாம் வருமாம்… பார்த்து அளவா சாப்பிடுங்க…

​நீரிழிவு நோயாளிகளுக்கு நன்மை பயக்கிறது

samayam tamil Tamil News Spot

பச்சை வாழைக்காய் மற்றும் பழுத்த வாழைப்பழங்களுக்கு இடையிலான முக்கிய வேறுபாடு என்னவெனில் பச்சை வாழைக்காய்களில் கார்போஹைட்ரேட் ஸ்டார்ச் வடிவத்தில் இருக்கின்றன. பழுத்த வாழைப்பழங்களில் பழுக்க வைப்பதால் கார்ப்ஸ் படிப்படியாக சர்க்கரையாக மாறுகிறது. அதனால்தான் பெரும்பாலான மக்கள் வாழைக்காயை விடவும் பழுத்த வாழைப்பழங்களைச் சாப்பிட விரும்புகின்றனர். ஆனால் நீரிழிவு நோயாளிகள் வாழைப்பழங்களை உண்ண முடியாது, அவர்களுக்கு வாழைக்காய்களே நன்மை பயக்கிறது. இவை வாழைப்பழங்களை விடவும் குறைவான அளவில் சர்க்கரையைக் கொண்டுள்ளன. மேலும் குறைந்த அளவில் க்ளைசெமிக் குறியீட்டை கொண்டுள்ளன. எனவே இவை இரத்த சர்க்கரை அளவை வேகமாக அதிகரிப்பது இல்லை.

இவை இரத்த சர்க்கரை அளவை பராமரிக்க உதவுகிறது. பச்சை வாழைக்காயில் குறைந்த அளவில் கார்போஹைட்ரேட் உள்ளது என்றாலும் அது சிறுகுடலில் உடைந்து குளுக்கோஸாக மாறுவதால் அந்த குறைந்த அளவு கார்போஹைட்ரேட்டும் இரத்தத்தில் பாதிப்பை ஏற்படுத்துவதில்லை.

எனவே பச்சை வாழைக்காய் நமக்கு பல்வேறு நன்மைகளை அளிக்கக்கூடியது. அவற்றை நமது உணவில் சேர்ப்பதன் மூலம் நாம் பல ஆரோக்கிய நன்மைகளை பெற முடியும்.



Source link

Share on Social Media

Leave a Reply

Your email address will not be published. Required fields are marked *