Share on Social Media


​தூங்கி எழுந்த பிறகு வாய் துர்நாற்றம் ஏன்?

நாம் தூங்கும் போது வாய் வறண்டு விடும். மேலும் துர்நாற்றத்தை உருவாக்கும் பாக்டீர்யாக்கள் பெருகும். தூங்கும் போது உமிழ்நீரின் இயல்பான ஒட்டம் குறையும். அதனால் தான் காலையில் விடும் மூச்சு மோசமானதாக இருக்கும்.

infertility causes : ஆண் பெண் மலட்டுத்தன்மைக்கு காரணங்களாக ஆயுர்வேதம் சொல்வது என்ன?

இரவில் குறட்டை விட்டாலோ அல்லது உங்கள் வாயால் சுவாசித்தாலோ காலை துர்நாற்றம் மற்றவர்களை உங்களுக்கு அதிகமாக ஏற்பட வாய்ப்புள்ளது. இந்த இரண்டு சூழலிலும் வழக்கத்தை விட வாய் அதிகமாக வறண்டு போகவு பாக்டீரியாக்களின் வளர்ச்சிக்கும் காரணமாகிறது.

​மருந்துகள் – வாய் துர்நாற்றத்தின் காரணங்கள்

samayam tamil Tamil News Spot

சில மருந்துகள் எடுக்கும் போது வாய் ஒரே இரவில் வறண்டு போகலாம். இது உங்களது வாய்வுத்திசையை மோசமாக்கும். அதனால் தான் மருந்துகள் பலவற்றை எடுக்கும் வயதானவர்கள் காலையில் தங்கள் சுவாசம் மோசமாக இருப்பதை பார்ப்பார்கள்.

இரைப்பை குடல் ரிஃப்ளக்ஸ் உள்ளவர்கள், அமில ரிஃப்ளக்ஸ் உள்ளவர்கள் இரவில் தூங்கும் போது வயிற்று அமிலம் உணவுக்குழாய் வழியே மீண்டும் எழும்புவதால் வாய் துர்நாற்றம் உண்டாகலாம்.

ஒவ்வாமை கூட வாய் துர்நாற்றத்துக்கு காரணமாகும். தொண்டையின் பின்பகுதியில் வடியும் சளி பாக்டீரியாவுக்கு உணவு ஆதாரமாகிறது. மூக்கில் இருந்து உள் வடியும் சளி நீர் வாயில் அதிக துர்நாற்றத்தை உண்டாக்கும் பாக்டீரியாவை வைக்கலாம்.

​புகைப்பழக்கம் – வாய் துர்நாற்றத்தின் காரணங்கள்

samayam tamil Tamil News Spot

புகைப்பிடிக்கும் பழக்கம் கொண்டிருப்பவர்களும் காலை நேரத்தில் துர்நாற்றம் வீசுவதை கவனிக்கலாம். உமிழ்நீர் சுரப்பு தூக்கத்தில் குறையும் என்பதால் வாய் வறண்டு போவதோடு வாயின் வெப்பநிலையை உயர்த்தவும் செய்யும். இது துர்நாற்றத்தை உண்டாக்கும் அந்த பயங்கரமான பாக்டீரியாக்களின் இனப்பெருக்கம் செய்யும் இடமாக மாறும்.

​உணவு முறை – வாய் துர்நாற்றத்தின் காரணங்கள்

samayam tamil Tamil News Spot

சிலர் சரியாக பல் துலக்கவோ அல்லது வாய் பராமரிப்பு முறையாகவோ இல்லாமல் இருந்தால் நாக்கு, பற்கள், ஈறு திசுக்களில் பிளவுகளில் சிக்கி நாற்றத்தை உண்டாக்கலாம்.

இரவு நேரத்தில் வெங்காயம், பூண்டு போன்ற வலுவான மணம் கொண்ட உணவுகளை சாப்பிடுவதும் மறுநாள் காலை மோசமான சுவாசத்தை உண்டாக்கும்.

​வாய் துர்நாற்றத்துக்கு சிகிச்சை உண்டா?

samayam tamil Tamil News Spot

தூங்கி எழும்போது மட்டும் அல்ல எல்லா நேரங்களிலும் வாய் துர்நாற்றம் இருந்தாலும் அது குணப்படுத்தக்கூடியதே. பாக்டீரியாக்கள் பற்களுக்கு இடையில் நாக்கின் அடிப்பகுதியில் குவிந்திருக்கலாம். அதனால் நல்ல பல் சுகாதாரத்தை கடைப்பிடிப்பது காலை சுவாசத்தை மேம்படுத்த உதவும்.

​பல் துலக்குதலை சரியாக்குங்கள்

samayam tamil Tamil News Spot

பல் துலக்கும் போது 35 அல்லது 40 விநாடிகள் மட்டுமே பல் துலக்குவது உண்டு. ஆனால் குறைந்தது இரண்டு நிமிடங்களாவது பல் துலக்குதல் செய்வது பாதுகாப்பானது. குறிப்பாக இரண்டு வேளையும் படுக்கைக்கு செல்வதற்கு முன்பு பல் துலக்குதல் கடைப்பிடியுங்கள். எதையும் சாப்பிடவோ குடிக்கவோ வேண்டாம். இதனால் வாய்ப்பகுதியில் பற்கள், நாக்கில் அடியில் தங்காது.

பல் துலக்கும் போது நாக்கையும் சுத்தம் செய்ய வேண்டும். ஏனெனில் பாக்டீரியாக்கள் நாக்கின் அடியில் தங்கியிருக்கும். அதனால் படுக்கைக்கு செல்வதற்கு முன்பு பற்கள் மற்றும் நாக்கை சுத்தம் செய்தால் மறுநாள் காலையிலும் சுவாசம் புத்துணர்ச்சியுடன் இருக்கும். ஏனெனில் 85% துர்நாற்றம் நாக்கில் இருந்து தான் வருகிறது.

​ஃப்ளோசிங் செய்யுங்கள்

samayam tamil Tamil News Spot

பற்கள் மற்றும் நாக்கு சுத்தம் செய்தாலும் சிக்கியிருக்கும் உணவுத்துகள்கள் வெளியேறாது. அதானல் ஃப்ளோசிங் செய்வது இன்னும் ஆரோக்கியமானது. பற்கள் மற்றும் ஈறுகளுக்கு இடையில் சிக்கியிருக்கும் உணவுத்துகள்களை அகற்ற இவை உதவும்.

nipple discharge : மார்பில் மஞ்சள், பச்சை, பழுப்பு நிற திரவம் கசிந்தால் என்ன காரணம்? எது ஆபத்தானது, பெண்கள் அறிவது அவசியம்!

மவுத்வாஷ் செய்வதன் மூலம் துர்நாற்றத்தை அகற்றலாம் என்றாலும் இது தற்காலிகமானது. வாய் துர்நாற்றத்தை உண்டாக்கும் கிருமிகளை அழிக்கும் மவுத் வாஷ் வாங்குவதோடு அதை சரியான முறையில் பயன்படுத்தவும் செய்ய வேண்டும்.

உணவு முறை, சரியான காரணத்தை கண்டறிந்து முறையான தீர்வு காணுதல், வாய் சுகாதாரம் பேணுதல் மூன்றுமே தூக்கத்திலிருந்து மட்டும் அல்லாமல் எப்போதும் வாய் சுகாதாரத்தை ஆரோக்கியமாக வைத்திருக்கும்.



Source link

Share on Social Media

Leave a Reply

Your email address will not be published.