Share on Social Media


அஜித்துக்கு பொதுவாக டுகாட்டி, பிஎம்டபிள்யூ போன்ற நேக்கட் பைக்குகள் அல்லது ஸ்போர்ட்ஸ் பைக்குகள் மீதுதான் விருப்பம் என்பதால், எம்ஜி அகுஸ்ட்டாவைத் தேர்ந்தெடுத்திருக்கிறார்கள்! இந்த இன்லைன் 3 சிலிண்டர், 798சிசி இன்ஜினில் இருப்பது 12 வால்வுகள். இதன் டார்க் 8.87kgm. பிக்–அப்பில் சும்மா தெறி காட்டும் இந்த புரூட்டேல். இந்த 6 ஸ்பீடு கியர்பாக்ஸில் ஒரு ஸ்பெஷல் – 20 கிமீ வேகத்தில் 6–வது கியரில் போனாலும் சரி; 100 கிமீ வேகத்தில் 2–வது கியரில் போனாலும் சரி – இன்ஜின் Knocking இருக்காது. இதன் டாப் ஸ்பீடு 244 கிமீ.

இந்த பைக்கைக் கையாள்வதற்குக் கொஞ்சம் கட்டுமஸ்த்தாக இருந்தால்தான் முடியும். காரணம், இதன் எடை அப்படி. புரூட்டேலின் எடை 175 கிலோ. இதை உயரம் குறைவானவர்கள் ஓட்டுவதும் கொஞ்சம் சிரமம். காரணம், இதன் சீட் உயரம் 830 மிமீ. இதிலுள்ள மோனோ ஷாக் சிங்கிள் அப்ஸார்பரின் சஸ்பென்ஷன் டிராவலும் அதிகம் என்பதால், முதுகுவலியும் இருக்காது. இந்த ஸ்ப்ரிங்குகளை நாமே நம் வசதிக்கு ஏற்ப அட்ஜஸ்ட்டும் செய்து கொள்ளலாம்.

‘வலிமை’ படத்தில் அஜித்குமாருக்கு அகுஸ்ட்டா நண்பன் என்றால், வில்லனுக்கும் ஒரு நண்பனாக வருகிறது இன்னொரு சூப்பர் பைக். அது சுஸூகி B-King. `RX100’ எனும் தெலுங்குப் படத்தில் வில்லனாக நடித்த கார்த்திகேயா கும்மகொண்டா என்பவர்தான் வலிமையில் அஜித்துக்கும் அகுஸ்ட்டாவுக்கும் வில்லனாக சுஸூகி B-King–ல் ஆக்ஸிலரேட்டர் முறுக்குகிறார்.



Source link

Share on Social Media

Leave a Reply

Your email address will not be published. Required fields are marked *