EjlOWoiVgAAaMmC Tamil News Spot
Share on Social Media

டெல்லி கேபிடல்ஸ், தாங்கள் விளையாடிய ஐந்து போட்டிகளில், நான்கு போட்டிகளில் வெற்றிபெற்று, முதல் இடத்தை, தக்கவைத்துக் கொண்டுள்ளனர். டெல்லி வெற்றி பெற்றுள்ள, நான்கு போட்டிகளையும் எடுத்துப் பார்த்தால், அவர்கள் முதலில் பேட்டிங் செய்து, அந்த ஸ்கோரை, வெற்றிகரமாக டிஃபெண்ட் செய்துள்ளனர். அதற்குக் காரணம், அவர்களது பெளலிங் யூனிட். அணியின் ஃபாஸ்ட் பெளலர்கள் முதல் ஸ்பின்னர்கள் வரை, அனைவரும் தங்கள் பங்களிப்பை சிறப்பாக அளித்து வருகின்றனர். அந்த பெளலிங் யூனிட்டிற்குத் தலைமை தாங்கி நிற்பவர் ரபாடா.

பஞ்சாப் உடனான முதல் போட்டியில், டேஞ்சர்மேன் மேக்ஸ்வெல் மற்றும் சர்ஃப்ராஸ் கானைத் தூக்கியவர், சூப்பர் ஓவரில், கேஎல் ராகுலுக்கு, ஷார்ட் பால் வீசியும் நிக்கோலஸ் பூரணுக்கு யார்க்கர் வீசியும், இருவரையும், அடுத்தடுத்தப் பந்துகளில் ஆட்டமிழக்கச் செய்து சூப்பர் ஓவரின் 3 பந்துகளிலேயே பஞ்சாபின் கதையை முடித்தார்.

சிஎஸ்கே உடனான இரண்டாவது போட்டியில், நன்றாக செட் ஆகி ஆடிக்கொண்டிருந்த டுப்ளெஸ்ஸியை, வைட் ஆஃப் சைட் திசையில் ஷார்ட்க்குப் போகுமாறு செய்து, அவுட் ஆக்கியவர், இறுதி ஓவரில், தோனிக்கு ஸ்லோ ஷார்ட் பால் வீசியும், ஜடேஜாவுக்கு ஷார்ட் பால் வீசியும் அவுட் ஆக்கினார். ரபாடா வெறும் யார்க்கர்களை மட்டும் நம்பியிருக்கவில்லை; ஸ்லோ பால், ஷார்ட் ஸ்லோ பால், பேக் ஆஃப் லென்த் டெலிவரி, துல்லியமான பவுன்சர் என பல வெரைட்டிகளை வைத்து விக்கெட் வேட்டைகளை நடத்திக் கொண்டு வருகிறார்.

சன்ரைசர்ஸ் உடனான போட்டியில், நன்றாக செட் ஆகி ஆடிக்கொண்டிருந்த பேர்ஸ்டோ மற்றும் வில்லியம்சனுக்கு, ஸ்லோ பால்களை வீசி, சொல்லி வைத்துத் தூக்கினார். டெல்லி அணியும் ரபாடாவை அருமையாகக் கையாள்கிறது. பவர்ப்ளே ஓவரில், ஒரு ஓவர் மட்டும் கொடுத்து, கடைசி பத்து ஓவர்களில், மூன்று ஓவர்களைக் கொடுத்து, செட் ஆன பேட்ஸ்மேன்களையும், ஃபினிஷர்களையும், ரபாடாவை வைத்து ஃபினிஷ் செய்து கொண்டிருக்கிறது டெல்லி.

Thanks for the source

Share on Social Media

Leave a Reply

Your email address will not be published. Required fields are marked *