Share on Social Media



அதே போல மாதவிடாய் காலங்களில் நமக்கு நன்மை பயக்கும் உணவுகளும் உண்டு. அவை மாதவிடாய் காலங்களில் பெண்களுக்கு நன்மை பயப்பதாகவும் மாதவிடாய் பிரச்சனையை சரி செய்வதாகவும் உள்ளது. அவற்றை இப்போது பார்க்கலாம்.

​மாதவிடாய் வலி

ஒவ்வொரு மாதமும் மாதவிடாய் என்பது பெண்களுக்கு மோசமான ஒரு விஷயமாக உள்ளது. இதனால் தசைப்பிடிப்பு, வீக்கம் மற்றும் மனநிலையில் மாற்றம் போன்ற பிரச்சனைகள் ஏற்படுகின்றன. இந்த சமயத்தில் சில பெண்களுக்கு சாக்லேட் கேக் உண்பதற்கு பிடிக்கலாம். ஆனால் மாதவிடாய் காலங்களில் அனைத்து உணவுகளும் நமக்கு உகந்ததாக இருக்காது. சில உணவுகள் நமக்கு கெடுதலை ஏற்படுத்துவதாக இருக்கலாம்.

​அதிக தண்ணீர் குடிக்கவும்

samayam tamil Tamil News Spot

மாதவிடாய் காலங்களில் நமது உடலானது அதிகமான அளவில் தண்ணீரை இழக்கிறது. இதனால் நமக்கு அதிக தண்ணீர் தேவைப்படுகிறது. மேலும் தண்ணீர் மாதவிடாய் காரணமாக ஏற்படும் வீக்கத்தை குறைக்க உதவுகிறது. ஆனால் சிலருக்கு தண்ணீர் குடிப்பது அவ்வளவாக பிடிப்பதில்லை.

அப்படி தண்ணீர் குடிப்பது பிடிக்காதவர்கள் கீரை, வெள்ளரிக்காய், தர்பூசணி அல்லது பெர்ரி போன்ற நீர் அதிகமாக உள்ள உணவுகளின் வழியாக நீரை எடுத்துக்கொள்ளலாம். மேலும் சூடான பானங்களை அருந்துவது உங்கள் தசை பிடிப்பை ஆற்ற உதவும். எனவே மாதவிடாய் காலங்களில் நீரேற்றமாக இருப்பது முக்கியமாகும்.

​சால்மன் மீன்

samayam tamil Tamil News Spot

சால்மன் மீன்களில் ஒமேகா 3 கொழுப்பு அமிலங்கள் அதிகமாக உள்ளன. இவை நமது உடலுக்கு நன்மை பயக்கக்கூடியவை ஆகும். ஒமேகா 3 கொழுப்பு அமிலங்கள் தசை வீக்கத்தை குறைக்க உதவுகின்றன. பொதுவாக இது வலி நிவாரணத்திற்கு உதவுகிறது. மேலும் மாதவிடாய் பிடிப்புகளால் ஏற்படும் வலியை குறைக்கவும் இது உதவுகிறது.

சால்மன் ஆரோக்கியமான புரதத்தை அதிகமாக கொண்டுள்ளன. மேலும் வைட்டமின் டி மற்றும் பி6 இன் சிறந்த ஆதாரமாக இவை உள்ளன. மேலும் கால்சியத்தை உறிஞ்சுவதற்கும் இவை உதவுகின்றன. மேலும் இது மாதவிடாயால் ஏற்படும் பிரச்சனைகளை சரிசெய்யவும் உதவுகின்றன. இதில் உள்ள வைட்டமின் பி6 மார்பக மென்மைக்கு உதவுகிறது. மார்பக எரிச்சலை சமாளிக்கவும் உதவுகிறது.

​ கீரைகள்

samayam tamil Tamil News Spot

ஒவ்வொரு மாதமும் மாதவிடாய் காலங்களில் இரத்தத்தை இழப்பதன் காரணமாக நீங்கள் இரும்பு சத்தை அதிகமாக இழக்கிறீர்கள். இதனால் நீங்கள் மந்தமாகவும் சோர்வாகவும் உணரலாம். இந்த சமயத்தில் உடலில் ஊட்டச்சத்தை அதிகரிப்பது முக்கியமாகும். இறைச்சி போன்ற உணவுகள் நமக்கு உடனடி ஊட்டச்சத்தை வழங்கக்கூடியதாக உள்ளன. ஆனால் சைவ உணவு உண்பவர்களுக்கு அவை சரிப்பட்டு வராது என்பதால் அவர்கள் கீரை வகைகளை உணவுகளில் சேர்த்துக்கொள்ளலாம். இவை அதிகமாக ஊட்டச்சத்துக்களை கொண்டுள்ளதால் நமக்கு பல்வேறு நன்மைகளை அளிக்கின்றன.

​வாழைப்பழம், அன்னாசி மற்றும் கிவி

samayam tamil Tamil News Spot

வாழைப்பழத்தில் வைட்டமின் பி6 அதிகமாக உள்ளது, மேலும் இதில் ஆரோக்கியமான அளவில் பொட்டாசியம் உள்ளது. உங்கள் தசையில் வீக்கம் மற்றும் தசைப்பிடிப்பு போன்ற அறிகுறிகளை போக்குவதற்கு இது உதவுகிறது என உளவியல் நிபுணர்கள் கூறுகின்றனர்.

வாழைப்பழத்தை கொண்டு ஸ்மூத்திகள் செய்யும்போது அதில் அன்னாசி பழங்களையும் சேர்க்கலாம். அன்னாசி ஒரு சுவையான பழமாகும், மேலும் தசை வீக்கத்தை எதிர்த்து போராடும் ப்ரோமெலைனை இது கொண்டுள்ளது. தசை பிடிப்பை அகற்றுவதற்கு உதவும் பழமாக கிவி உள்ளது. புரதத்தை எளிதில் ஜீரணிக்க இது உதவும், மேலும் மலப் பிரச்சனைகளை சரி செய்யவும் இவை உதவுகின்றன.

​கால்சியம் நிறைந்த உணவுகள்

samayam tamil Tamil News Spot

கால்சியம் த்சையில் ஏற்படும் பிடிப்புகளை சரி செய்ய உதவுகின்றன என ஆய்வுகள் கூறுகின்றன, மேலும் மனநிலையில் ஏற்படும் சோர்வு போன்ற பிரச்சனைகளையும் இவை சரி செய்கின்றன. பால், பாலாடைக்கட்டி மற்றும் தயிர் போன்ற பால் பொருட்களில் கால்சியம் அதிகமாக உள்ளன. பால் பொருட்கள் இல்லாமல் வெந்தயம் மற்றும் கீரைகளில் கால்சியம் சத்து உள்ளன.

​காலை உணவு

samayam tamil Tamil News Spot

ஓட்ஸ் ஒரு ஆரோக்கியமான உணவாகும். அதை பல வகைகளில் நாம் உணவில் சேர்த்துக் கொள்ள முடியும், மேலும் இது சுவையான உணவாகவும் உள்ளது. இதில் அதிகமான அளவில் நார்ச்சத்து நிறைந்திருப்பதால் சாப்பிட்ட பிறகு நீண்ட நேரம் பசியை கட்டுப்படுத்துகிறது, மேலும் இது பிடிப்புகளை சரி செய்ய உதவுகிறது. செராடின் எனப்படும் வேதிப்பொருளானது மன ஆரோக்கியத்தோடு தொடர்புடையது, இந்த வேதிப்பொருளை கட்டுப்படுத்த ஓட்ஸ் உதவுகிறது.

​முட்டைகள்

samayam tamil Tamil News Spot

முட்டையில் வைட்டமின் பி6, டி மற்றும் ஈ ஆகியவை உள்ளன. இவை அனைத்தும் மாதவிடாய் காரணமாக ஏற்படும் பாதிப்புகளை எதிர்த்து போராட உதவுகின்றன, மேலும் இவை உடலுக்கு கூடுதல் ஊட்டச்சத்தை அளிக்கின்றன.

​இஞ்சி

samayam tamil Tamil News Spot

மாதவிடாய் காலங்களில் நீங்கள் குமட்டலை உணர்கிறீர்கள் எனில் இஞ்சியை எடுத்துக்கொள்ளவும். அது உங்கள் வயிற்றை மென்மையாக்கும், மேலும் இது சில ஊட்டச்சத்து நன்மைகளையும் கொண்டுள்ளது. எனவே குமட்டல் வரும் சமயத்தில் இஞ்சி தேநீர் செய்து குடிக்கலாம்.

​செவ்வந்தி தேநீர்

samayam tamil Tamil News Spot

செவ்வந்தி தேநீர் சுவையானது ஆகும், இந்த தேநீரில் காஃபின் இல்லை, மேலும் தசைப்பிடிப்பை சரி செய்ய இது உதவுகிறது. நம் மனநிலையை அமைதிப்படுத்தவும் இது உதவுகிறது. எனவே மாதவிடாய் காலங்களில் ஒரு கப் செவ்வந்தி தேநீர் எடுத்துக் கொள்ளலாம்.

​டார்க் சாக்லேட்

samayam tamil Tamil News Spot

சாக்லேட்டுகளில் டார்க் சாக்லேட் என ஒருவகை சாக்லெட் உண்டு. இவை அடர்ந்த கருப்பு நிறத்தில் இருக்கும். சற்று கசப்பு சுவையுடன் இருக்கும். ஆனால் டார்க் சாக்லேட்டில் மெக்னீசியம் மற்றும் நார்ச்சத்து உள்ளது. அதிகப்பட்சம் 85 சதவீதம் அல்லது அதற்கு அதிகமாக கோகோ கலக்கப்பட்ட டார்க் சாக்லேட்டை தேர்வு செய்யவும்.

எனவே இந்த உணவுகள் யாவும் மாதவிடாய் காலங்களில் ஏற்படும் பாதிப்புகளை குறைக்க உதவுகின்றன.



Source link

Share on Social Media

Leave a Reply

Your email address will not be published. Required fields are marked *