Share on Social Media


அனைத்து விவசாயப் பணிகளுக்கும் அனுமதி அளிக்கப்படும். பெட்ரோல் நிலையம், ஏ.டி.எம் மையங்கள், தொலைத்தொடர்புகள், இணைய சேவை, ஒளிபரப்பு, கேபிள் சேவை, ஊடகம், தகவல் தொழில்நுட்ப சேவை, குடிநீர் விநியோகம், துப்புரவு, மின்வினியோகம், குளிர் சாதன பொருட்கள் பாதுகாப்பகம், தனியார் செக்யூரிட்டி சேவை, நகராட்சி, தீயணைப்பு நிலையங்கள் ஆகியவை செயல்படலாம். அனைத்து மின்னனு வணிக நடவடிக்கைகளுக்கும் அனுமதி அளிக்கப்படும். அதேபோல அனைத்து கடை உரிமையாளர்கள் மற்றும் தொழிலாளர்கள் 15 நாட்களுக்குள் தடுப்பூசி போட்டுக்கொள்ளும்படி அறிவுறுத்தப்படுகிறார்கள்” என்று குறிப்பிடப்பட்டிருக்கிறது.

அதேபோல அனைத்து விதமான மதுக்கடைகளும் காலை 9 மணி முதல் மாலை 5 மணி வரை திறந்திருக்கலாம் என அறிவிக்கப்பட்டுள்ளது. மதுக்கடைகளை திறப்பது தொடர்பாக புதுச்சேரி காவல்துறை ஆணையர் சுதாகர் தலைமையில் நேற்று மாலை மதுக்கடை உரிமையாளர்களுடன் ஆலோசனை கூட்டம் நடத்தப்பட்டது. அப்போது மதுக்கடைகளில் அனைவரும் சமூக இடைவெளியை கடடைப்பிடிக்க வேண்டும், மது வாங்க வருபவர்கள் இடைவெளிவிட்டு நிற்பதோடு முகக்கவசம் அணிந்திருக்க வேண்டும், அவர்களின் உடல் வெப்ப நிலையை பரிசோதித்து அனுமதிக்க வேண்டும் என்பது உள்ளிட்ட அறிவுரைகள் வழங்கப்பட்டது.



Thanks for the source

Share on Social Media

Leave a Reply

Your email address will not be published. Required fields are marked *