Share on Social Media


கரீபியன் கடல் பகுதியையொட்டி அமைந்திருக்கும் மேற்கிந்தியத் தீவுகளின் பிராந்திய நாடு பார்படோஸ். இந்த தீவு நாட்டில் மொத்தம் 2.85 லட்சம் மக்கள் வாழ்ந்துவருகின்றனர். இதில் 95 சதவிகிதம் பேர் கறுப்பினத்தைச் சேர்ந்தவர்கள். நான்கு சதவிகித வெள்ளை இனத்தவரும், ஒரு சதவிகித இந்தியர்களும் அங்கு வாழ்ந்துவருகின்றனர். இவ்வளவு காலமாக, பிரிட்டன் இளவரசி இரண்டாம் எலிசபெத்தைத் தலைவராகக் கொண்டு செயல்பட்ட பார்படோஸ், நவம்பர் 30-ம் தேதி முதல் புதிய குடியரசு நாடாக மாறியிருக்கிறது.

பார்படோஸ்

பார்படோஸ்
Twitter/@VillasBB

17-ம் நூற்றாண்டில் கால்பதித்த ஆங்கிலேயர்கள்!

1625-ம் ஆண்டில், இங்கிலாந்திலிருந்து ஆங்கிலேயர்கள் பார்படோஸ் நாட்டுக்கு வந்தடைந்தனர். அப்போது பார்படோஸ் பகுதியில் மக்கள் அதிகம் வசிக்கவில்லை. அங்கிருந்த நிலத்தில் புகையிலை, சர்க்கரை, பருத்தி உள்ளிட்டவற்றைப் பயிரிடத் திட்டமிட்டனர். அங்கு அடிமையாக வேலை செய்வதற்காகப் பல லட்சம் ஆப்பிரிக்க மக்களை பார்படோஸுக்கு அழைந்துவந்தனர். சில தசாப்தங்களில், கறுப்பின மக்களின் கடுமையான உழைப்பைப் பயன்படுத்தி பார்படோஸை செழிப்பு மிக்க பகுதியாக மாற்றினர் ஆங்கிலேயர்கள்.

1838-ம் ஆண்டு வரை, பார்படோஸில் அடிமைமுறை இருந்துவந்தது. பின்னர், கொஞ்சம் கொஞ்சமாக அடிமைமுறை ஒழிந்து, 1966-ம் ஆண்டு முழுச் சுதந்திரம் பெற்றது பார்படோஸ். இருந்தாலும், தற்போது வரை இங்கிலாந்து ராணி இரண்டாம் எலிசபெத்தைத் தலைவராகக் கொண்டுதான் பார்படோஸ் செயல்பட்டுவந்தது. ராணி எலிசபெத்தின் பிரதிநிதியாக கவர்னர் ஜெனரல் சாண்ட்ரா மசோன் (Sandra Mason) இருந்துவந்தார்.



Source link

Share on Social Media

Leave a Reply

Your email address will not be published. Required fields are marked *