Share on Social Media


விகடன் மாணவப் பத்திரிகையாளர் திட்டத்தின் கூட்டுப் பயிற்சி முகாம் 2021-22 சென்னையில் நவம்பர் 27, 28 ஆகிய இரண்டு நாள்கள் நடைபெற்றது. பயிற்சியின் ஒரு பகுதியாக மாணவர்கள் 7 குழுக்களாகப் பிரிக்கப்பட்டு தலைமைச் செயலகம், பிராட்வே, வானிலை ஆராய்ச்சி மையம், மெட்ரோ ரயில் நிலையம், அறப்போர் இயக்க அலுவலகம், படப்பிடிப்பு எனப் பல்வேறு இடங்களுக்கு ஸ்பாட் விசிட் செய்தனர். அதில் ஒரு குழுவினர் நடிகையும் அரசியல்வாதியுமான குஷ்புவை நேர்காணல் செய்ய ஏற்பாடு செய்யப்பட்டிருந்தது.

ஜெமினி ஹவுஸில் நடந்தது அந்தச் சந்திப்பு. மாணவ நிருபர்களைப் பார்த்ததும் அவ்வளவு உற்சாகம் குஷ்புவின் முகத்தில். எந்த ஊர், என்ன படிக்கிறீர்கள் என ஒவ்வொருவரையும் தனித்தனியாக அக்கறையுடன் விசாரித்த பிறகு, உரையாடல் ஆரம்பமானது.

“வருஷம் 16-ல பார்த்ததுபோல அப்படியே இருக்கீங்களே… எப்படி?’’

“நான் பொதுவாவே ஹேப்பியான பர்சன். எந்தப் பிரச்னை வந்தாலும், `இதுவும் கடந்து போகும்’னு போயிடுவேன். பிரச்னைகளை நினைச்சு தூங்காமலோ, சாப்பிடாமலோ இருந்ததே கிடையாது. நேரத்துக்கு சாப்பிட்ருவேன். படுத்த ரெண்டு நிமிஷத்துல தூங்கிடுவேன். என்னுடைய மகிழ்ச்சியான வாழ்க்கைதான் காரணமாக இருக்கலாம்.’’

“சுந்தர்.சி சார் உங்ககிட்ட புரபோஸ் பண்ணும்போது எப்படி ஃபீல் பண்ணீங்க… அதை நீங்க எதிர்பார்த்தீங்களா?’’

“சத்தியமா இல்லை. எதிர்பாராத சூழல்லதான் அவர் என்கிட்ட புரபோஸ் பண்ணாரு. பிப்ரவரி வந்தா அவர் என்கிட்ட புரபோஸ் பண்ணி 28 வருஷம் ஆகப்போகுது. அவர் புரபோஸ் பண்ண உடனே நான் ஓகே சொல்லிட்டேன். தைரியத்தோட எடுக்கிற முடிவு சிறந்த முடிவா இருக்கும்னு சொல்லுவாங்க. என் விஷயத்துல அது சரியா இருக்கு. அப்போ அவர் ஒரு படம்தான் பண்ணியிருந்தார். அவரோட எதிர்காலம் எப்படி இருக்கும்… என்னோட எதிர்காலம் எப்படி இருக்கும்… எதுவும் தெரியாது. ஆனா, உள்ளுக்குள்ள ஏதோவொரு தைரியம் இருந்தது. ஓ-கே சொல்லிட்டேன். இப்போவரைக்கும் ஹேப்பியா இருக்கோம்!”



Source link

Share on Social Media

Leave a Reply

Your email address will not be published.