Share on Social Media


இதற்கிடையே, கடந்த சில தினங்களுக்கு முன்புதான், சோழகன்பட்டி ஜல்லிக்கட்டில் அவிழ்த்துவிடப்பட்டது. உரிமையாளர்களுக்கே போக்கு காட்டிய ராவணன் திடீரென மாயமானது. மாரிமுத்து உட்பட ஊர்மக்களே பல்வேறு இடங்களில் தேடி அலைந்தும், ராவணனைக் கண்டுபிடிக்க முடியவில்லை. இந்த நிலையில்தான், தச்சன் குறிச்சி காட்டுக்குள் ராவணன் காளையைப் பார்த்தாக மாரிமுத்திற்குத் தகவல் கிடைக்க, எப்படியும் ராவணனை மீட்டு வரலாம் என்று ஆவலுடன் சென்ற மாரிமுத்திற்கு ஏமாற்றமே மிஞ்சியிருந்தது. பாம்புப் புற்றுக்கு அருகே ராவணன் காளை இறந்துபோய் கிடந்தது. காளையை மீட்கச் சென்ற அனைவரும் கதறி அழுதனர்.

பாம்புப் புற்றினை சேதப்படுத்தி, பாம்புப் புற்று அருகே கிடந்ததால், பாம்பு கடித்து ராவணன் இறந்தது தெரியவந்தது. இதையடுத்து, லாரியில் ராவணனை எடுத்து வந்தவர்கள் ஊர்வலமாக நெம்மேலிப்பட்டிக்கு எடுத்துச் சென்றனர். காளையின் உடலைப் பார்த்து ஊர்மக்கள் பலரும் கதறி அழுதனர். இறந்த செய்தி கேட்டு அருகருகே உள்ள பல்வேறு ஊர்களிலிருந்தும் ஜல்லிக்கட்டு ஆர்வலர்கள் நேரடியாக வந்து காளைக்கு மாலை அணிவித்து மரியாதை செலுத்தினர். தொடர்ந்து இறுதிச் சடங்குகள் நடைபெற்று ராவணன் காளை புதைக்கப்பட்டது. மாவட்டத்திற்கும், கிராமத்திற்கும் பெருமை சேர்த்த ராவணன் காளையின் இறப்பால் கிராமமே சோகத்தில் மூழ்கியிருக்கிறது.



Thanks for the source

Share on Social Media

Leave a Reply

Your email address will not be published. Required fields are marked *