100896.webp Tamil News Spot
Share on Social Media

100896 Tamil News Spot

<p><strong>நியூசிலாந்து வரலாற்றில் முதல்முறையாக இந்திய வம்சாவளி பெண் ஒருவர் அமைச்சராக தேர்ந்தெடுக்கப்பட்டுள்ளார்.</strong></p>
<p>கேரளா மாநிலம் எர்ணாகுளத்தை சேர்ந்தவர் பிரியங்கா ராதாகிருஷ்ணன் (41).  கேரளாவைச் சேர்ந்தவர் என்றாலும் இவர் சென்னையில்தான் பிறந்தார். இவரது உறவினர்களில் பெரும்பாலோர் சென்னையில் வசிக்கிறார்கள்.</p>
<p>சிங்கப்பூரில் வளர்ந்த பிரியங்கா ராதாகிருஷ்ணன், பின்னர் நியூசிலாந்து நாட்டிற்கு குடிபெயர்ந்தார். வெலிங்டனில் உள்ள விக்டோரியா பல்கலைக்கழகத்தில் இளநிலையும், பின்னர் வளர்ச்சி ஆய்வுகளில் முதுகலைப் பட்டமும் பெற்றார். படிப்பு முடித்த பின்னர் ஆக்லாந்தில் சமூக சேவகராக இந்திய மக்களிடையே செயல்பட்டு வந்தார்.</p>
<p>2006ல் பிரியங்கா ராதாகிருஷ்ணன் நியூசிலாந்து தொழிலாளர் கட்சியில் சேர்ந்து தனது அரசியல் பயணத்தை தொடங்கினார். 2014ல் நியூசிலாந்து தொழிலாளர் கட்சியின் சார்பில் தேர்தலில் போட்டியிட்டு தோல்வியடைந்தார். 2017ல் மீண்டும் போட்டியிட்டு எம்.பி. ஆனார். 2019-ல் இன விவகாரங்களுக்கான நாடாளுமன்ற தனிச் செயலாளராக நியமிக்கப்பட்டார்.</p>
<p><img src="https://ptm-cms-images.sgp1.cdn.digitaloceanspaces.com/uploads/news-image/moreimages/1604305346341.jpeg" alt="image" /></p>
<p>இந்நிலையில் இரண்டாவது முறையாக எம்.பி. ஆக தேர்வாகியுள்ள பிரியங்கா ராதாகிருஷ்ணன், நியூசிலாந்து பிரதமர் ஜெசிந்தாவின் அமைச்சரவையில் சமூக நலம், இளைஞர் நலம் மற்றும் தன்னார்வ துறை அமைச்சராக நியமிக்கப்பட்டுள்ளார். இதுதவிர தொழில் துறையின் இணை அமைச்சர் பொறுப்பும் இவருக்குக் கூடுதலாக வழங்கப்பட்டுள்ளது.</p>
<p>நியூசிலாந்து நாட்டின் வரலாற்றில் இந்திய வம்சாவளியை சேர்ந்த ஒருவர் அமைச்சராக வருவது இதுவே முதல்முறை ஆகும். வரும் 6ம் தேதி பிரியங்கா ராதாகிருஷ்ணன் அமைச்சராகப் பொறுப்பேற்க உள்ளார்.</p>

Source : WWW.PUTHIYATHALAIMURAI.COM

gdEYXZ4XgJY Tamil News Spot

Thanks for the Source

Share on Social Media

Leave a Reply

Your email address will not be published. Required fields are marked *