Share on Social Media

கோவை மாவட்ட ஆட்சியர் சமீரன் கூறுகையில், “தொழில் முனைவோரை ஊக்கப்படுத்த நிறைய திட்டங்கள் உள்ளன. அது அவர்களுக்கு சரியாகச் சென்று சேர வேண்டும். துறை சார்ந்தவர்களுக்கு சரியான தகவல் கிடைக்க வேண்டும் என்று, பல துறைகளுடன் ஆலோசனைக் கூட்டங்களை நடத்தி முடித்துவிட்டோம். பட்ஜெட் கூட்டத் தொடருக்கு முன்பு நடந்த கூட்டங்களின் அடிப்படையில் வைத்த கோரிக்கைகளுக்கு விதி எண் 110-ன் கீழ் முதல்வர் நடவடிக்கை எடுத்துள்ளார். கோவை பொருளாதார வளர்ச்சி அதிகம் உள்ள பகுதி. அதனால், தொழில்துறை சார்ந்து கோவைக்கு சிறப்பு கவனம் கொடுக்கிறோம்.

தொழில் துறைக்கு எது தேவையோ அதன் அடிப்படையில் முக்கியத்துவம் கொடுத்து திட்டங்களை நிறைவேற்றுவோம். அன்னூரில் சிப்காட் வரவுள்ளது. சூலூரில் ராணுவ பூங்கா வரவுள்ளது. அந்தத் திட்டங்களின் மூலம் அந்தப் பகுதிகளுக்கு தேவையான வளர்ச்சிப் பணிகள் நடக்கும். அவர்களுடன் தொடர்ந்து பேசிக்கொண்டிருக்கிறோம். இதன் மூலம் அவர்களின் பிரச்னைகளை உடனடியாக சம்பந்தப்பட்ட துறையின் கவனத்துக்குக் கொண்டு சென்று நடவடிக்கை எடுக்கப்படும்” என்றார்.

கொரோனா நோய்த் தொற்று ஓரளவுக்குக் குறைந்துள்ள நிலையில், கோவை தொழில் துறை மீண்டு களைகட்டத் தொடங்கிவிட்டதற்கான அடையாளமாகத்தான் அமைச்சரின் இந்த வருகையைக் கோவை தொழில்முனைவோர்கள் பார்ப்பதாகத் தெரிகிறது!

Thanks for the Source

Share on Social Media

Leave a Reply

Your email address will not be published. Required fields are marked *