Share on Social Media


புதுடில்லி-‘பிரதமர் நரேந்திர மோடி தலைமையில் நடக்கும் அனைத்துக் கட்சி கூட்டத்தில், ஜம்மு – காஷ்மீரில் தொகுதி மறுவரையறை செய்வது குறித்தே விவாதிக்கப்படும்’ என, மத்திய அரசு வட்டாரங்கள் தெரிவித்தன.

ஜம்மு – காஷ்மீருக்கான சிறப்பு அந்தஸ்து, 2019ல் ரத்து செய்யப்பட்டது. இந்நிலையில் வரும் 24ம் தேதி, ஜம்மு – காஷ்மீரைச் சேர்ந்த அனைத்துக் கட்சி கூட்டத்துக்கு அழைப்பு விடுக்கப்பட்டுள்ளது.இது குறித்து மத்திய அரசு வட்டாரங்கள் கூறியுள்ளதாவது:ஜம்மு – காஷ்மீருக்கு மீண்டும் மாநில அந்தஸ்து அளிப்பதற்கான சூழ்நிலை உருவாகவில்லை. அதனால் அது குறித்து பேசப்பட்டாலும், முடிவு ஏதும் எடுக்கப்படாது.சட்டசபை தேர்தலை நடத்துவதற்கு முன், தொகுதி மறுவரையறை செய்ய வேண்டும்.

இதற்காக கமிஷன் அமைக்கப்பட்டுள்ளது. அது தொடர்பாகவே அனைத்துக் கட்சி கூட்டத்தில் விவாதிக்கப்படும்.இவ்வாறு அந்த வட்டாரங்கள் தெரிவித்தன.மெஹபூபாவுக்கு அதிகாரம்அனைத்துக் கட்சி கூட்டத்தில் பங்கேற்க, முன்னாள் முதல்வர் மெஹபூபா முப்தி தலைமையிலான, மக்கள் ஜனநாயகக் கட்சிக்கும் அழைப்பு விடுக்கப்பட்டுள்ளது. கூட்டத்தில் பங்கேற்பது குறித்து மெஹபூபா முடிவெடுக்க, கட்சி கூட்டத்தில் தீர்மானம் நிறைவேற்றப்பட்டுள்ளது.

latest tamil news

பாக்., எதிர்ப்பு

பாகிஸ்தானின் வெளியுறவு அமைச்சர் ஷா மஹமூத் குரேஷி கூறியுள்ளதாவது:ஜம்மு – காஷ்மீருக்கான சிறப்பு அந்தஸ்தை நீக்கியதே சட்டவிரோதம். இது தொடர்பாக, சர்வதேச அமைப்புகளில் முறையிட்டு வருகிறோம். காஷ்மீரின் நிலப்பரப்பை மாற்றும் எந்த முயற்சியையும் எதிர்ப்போம்.இவ்வாறு அவர் கூறியுள்ளார்.

Advertisement



Source link

Share on Social Media

Leave a Reply

Your email address will not be published. Required fields are marked *