Share on Social Media


தேனி: தேனி அருகே தேசிய நெடுஞ்சாலையில் தொடர்ந்து ஏற்படும் விபத்துகளை தடுக்க சாலை குறியீட்டு பலகைகள், விழிப்புணர்வு பதாதைகளை வைக்க வேண்டும் என்று அப்பகுதி மக்கள் கோரிக்கை விடுத்துள்ளனர். மதுரை – கொச்சின் தேசிய நெடுஞ்சாலை மற்றும் குமிலி – திண்டுக்கல் தேசிய நெடுஞ்சாலை ஆகிய இரு சாலைகளும் தேனி கோடாங்கிபட்டி அருகே சந்தித்து கொள்கின்றன. 

4 முனை சந்திக்கும் இந்த சாலையில் தினமும் விபத்துகள் நடக்கின்றன. பணிகள் முடிந்த சாலையை திறக்க நடவடிக்கை மேற்கொள்ள வேண்டும் என்றும் விபத்துகளை தடுக்க உரிய வேகத்தடைகள் அமைக்க வேண்டும் என்றும் வாகன ஓட்டிகள் கோரிக்கை விடுத்துள்ளனர். குமிலி – திண்டுக்கல் சாலை பணிகள் கடந்த 7 ஆண்டுகளாக நடைபெற்று வருகின்றன. 

இருப்பினும் பணிகள் நிறைவடையவில்லை என புகார் எழுந்துள்ளது. இதனை திறக்க உரிய நடவடிக்கைகள் எடுக்க வேண்டும் என்று பொதுமக்கள் வலியுறுத்தி உள்ளனர். விபத்துகள் தொடர்கதையாகி இருப்பதால் இந்த சாலையை பயன்படுத்தவே பொதுமக்கள் அச்சமடைந்துள்ளனர். 



Thanks for the source

Share on Social Media

Leave a Reply

Your email address will not be published. Required fields are marked *