Share on Social Media

பிரேக்அப்பில் மூன்று முக்கியமான நிலைகள் உண்டு.

– எப்போது செய்ய வேண்டும்,

– எப்படிச் செய்ய வேண்டும்,

– பிரேக்அப் செய்த பின் என்ன செய்ய வேண்டும்?

முதலில் எப்போது செய்யலாம் என்பதைப் பார்க்கலாம்.

ஒரு ரிலேஷன்ஷிப்பில் இருவருக்குமான முக்கியத்துவத்தில் சமநிலை இல்லாமல் போகும்போதே அந்த உறவே சுமையாகும். என்ன செய்தாலும் அது நிம்மதியைத் தராது. இரண்டு மனிதர்கள் ஒன்றாக வாழ்ந்து, பகிர்ந்து, இருவரும் வளர்வதற்கே ரிலேஷன்ஷிப். அதில் ஒருவருக்கு வலி மட்டுமே மிஞ்சுகிறதென்றால் அந்த ரிலேஷன்ஷிப்புக்கு அர்த்தமேயில்லை. அந்தச் சமயத்தில் பிரேக்அப் தேவையான ஒன்று.

ஒரு ரிலேஷன்ஷிப் டாக்ஸிக் ஆக மாறிவிட்டதென நினைத்தால் பிரேக்அப் தவிர்க்க முடியாதது ஆகிறது. எப்போது ஓர் உறவு அப்படி மாறுகிறதென சென்ற வார அத்தியாயத்திலே பார்த்தோம்.

Physical abuse எனப்படும் உடல்சார்ந்த வன்முறை நிகழ்ந்தால் அது பிரேக்அப்புக்கான காரணமாக நிச்சயம் இருக்கலாம். `ஒரே ஒரு முறைதான் அடிச்சேன். அதுக்கே பிரேக்அப்னு சொல்றா’ என்ற குரல்களும் எழுந்திருக்கின்றன. `தப்பட்’ என்ற இந்திப்படம் கூட அதைத்தான் பேசியது. ஆனால், ஒரே ஒருமுறை என்றாலும் அதை மன்னிக்கலாமா அல்லது வேண்டாமா என்பதை அந்தப் பெண்தான் முடிவு செய்ய வேண்டும். அவள் வேண்டாம் என முடிவெடுத்தால் அதில் தவறேதுமில்லை என்பதை நாம் புரிந்துகொள்ள வேண்டும்.

சரி. ஆண்கள் மட்டும்தான் அடிக்கிறார்களா… பெண்கள் அடிப்பதில்லையா? இதுவும் நிகழும். ஆனால், வித்தியாசம் இருக்கிறது. ஆண்கள் அடிப்பது ஆதிக்கத்தின் வெளிப்பாடு. பெண்கள் அடிப்பது ஆற்றாமையின் வெளிப்பாடு. இரண்டையும் சமமாகப் பார்க்கவே கூடாது. இதற்காகத்தான் இந்தியச் சூழல் குறித்து ஆரம்பத்தில் சொன்னேன்.

Thanks for the Source

Share on Social Media

Leave a Reply

Your email address will not be published. Required fields are marked *