Share on Social Media


இந்த விவகாரம் குறித்து மார்க்சிஸ்ட் கம்யூனிஸ்ட் கட்சியைச் சேர்ந்த பேராசிரியர் அருணனிடம் பேசினோம்.

“நான், பாடப்புத்தகத்தின் அந்தப் பகுதிகளை முழுமையாகப் படித்தேன். ‘முஸ்லிம்கள் பாகிஸ்தானைத்தான் தங்களின் சொந்த நாடாக நினைக்கிறார்கள். ஒரு பிரச்னையில் பாகிஸ்தான் சொல்லும் கருத்தை இங்குள்ளவர்கள் ஆதரித்து கலவரத்தில் இறங்குகிறார்கள்’ என்பது மாதிரியெல்லாம் அந்தப் பாடத்தில் இருக்கிறது. மேலும், “முஸ்லிம்களை தி.மு.க-வும் கம்யூனிஸ்ட் கட்சிகளும் ஆதரிக்கின்றன. முஸ்லிம்களை வாக்குவங்கிகளாக அந்தக் கட்சிகள் பயன்படுத்துகின்றன” என்றெல்லாம் அதில் இருக்கிறது. ஒரு பல்கலைக்கழகத்தின் பாடப்புத்தகத்தில் இத்தகைய கருத்துகள் இடம்பெற்றிருப்பது அதிர்ச்சியாக இருக்கிறது.

மாணவர்களுக்கு அரசியல் குறித்து சொல்லித்தரப்பட வேண்டும். ஆனால், இந்தப் பாடப்புத்தகத்தில் இருப்பது அரசியல் அல்ல. இது மிக மோசமான ஒரு வகுப்புவாத வெறி. இந்த வகுப்புவாத வெறியுடன் ஓர் ஆசிரியர் பாடத்தை தயாரித்து, அந்தப் பாடம் ஒப்புதல் பெற்று அங்கீகரிக்கப்பட்டு பாடமாக மாணவர்களுக்கு போய்க்கொண்டிருக்கிறது என்பது பேரதிர்ச்சியாக இருக்கிறது.

நானும் பேராசிரியராகப் பணியாற்றியவன்தான். ஒரு பாடம் எப்படி உருவாக்கப்படும், ஒப்புதல் பெறப்படும் என்பதெல்லாம் எனக்கு நன்கு தெரியும். ஒரு பாடம் உருவாக்கப்பட்டால், அதை நான்கு ஐந்து பேராசிரியர்களாவது படித்துப்பார்ப்பார்கள். ஆனால், அதையும் தாண்டி பாடத்தில் இப்படியொரு மோசமான பகுதி வந்திருக்கிறது.



Source link

Share on Social Media

Leave a Reply

Your email address will not be published. Required fields are marked *