Share on Social Media


புதுடில்லி: கொரோனா தடுப்பூசி செலுத்துவதற்கான வயது வரம்பை 25 ஆக குறைக்க வேண்டும் என காங்கிரஸ் தலைவர் சோனியா கூறி உள்ளார்.

டில்லியில் நடந்த காங்கிரஸ் செயற்குழு கூட்டத்தில் சோனியா பேசியதாவது : கொரோனாவை எதிர்த்து போராடுவதை தேசிய சவாலாகவும், அதனை அரசியலுக்கு அப்பாற்பட்டு அணுக வேண்டும் என்பதில் காங்கிரஸ் நம்பிக்கை கொண்டு உள்ளது. கொரோனாவின் இரண்டாவது அலை இந்தியாவை கடுமையாக தாக்கி உள்ளது. முதல் பாதிப்பில் இருந்து மீள ஒராண்டு முடிவதற்குள் மீண்டும் பாதிப்பில் சிக்கி உள்ளோம்.

காங்கிரஸ் ஆளும் மாநில முதல்வர்களுடன் ஆலோசனை நடத்திய பின்னர், பிரதமருக்கு கடிதம் எழுதினேன். சில மாநிலங்களில் போதிய அளவு தடுப்பூசி, ஆக்சிஜன் மற்றும் வெண்டிலேட்டர் ஆகியவை போதுமான அளவு இல்லை. ஆனால், அரசு தரப்பில் மவுனம் நிலவுகிறது. கொரோனா தடுப்பூசி செலுத்தி கொள்வதற்கான வயதை 25 ஆக குறைக்க வேண்டும். தடுப்பூசியை ஏற்றுமதி செய்வதை நிறுத்திவிட்டு, உள்நாட்டு மக்களை பாதுகாப்பதற்கு முக்கியத்துவம் அளிக்க வேண்டும்

கொரோனா நெருக்கடியை கணித்தல், மதிப்பீடு மற்றும் நிர்வகிப்பதில் மத்திய அரசு மெத்தனம் காட்டி வருகிறது. கொரோனா வைரசை கட்டுப்படுத்துவது தொடர்பாக எதிர்க்கட்சிகளின் ஆக்கப்பூர்வமான ஆலோசனைகளை கேட்காமல், மத்திய அமைச்சர்கள் எதிர்க்கட்சி தலைவர்களை விமர்சனம் செய்கின்றனர்.
தகுதியான மக்கள் அனைவரின் வங்கிக்கணக்கிலும் தலா ரூ.6 ஆயிரம் செலுத்த வேண்டும். கொரோனாவை தடுக்கவும் மற்றம் சிகிச்சை அளிக்கவும் தேவையான மருத்துவ சாதனங்கள், உபகரணங்கள் மற்றும் மருந்துகளுக்கு ஜிஎஸ்டியில் இருந்து விலக்கு அளிக்க வேண்டும். இவ்வாறு அவர் பேசினார்.

Advertisement



Source link

Share on Social Media

Leave a Reply

Your email address will not be published. Required fields are marked *