Share on Social Media

தற்போது கூடுதலாக, கொரோனா தடுப்பூசி போட்டுக் கொண்டதற்கான சான்றிதழ்களை சமர்ப்பிக்கச் சொல்லி கேட்கிறார்கள். இந்த நடவடிக்கை ஏற்புடையதுதான். ஏனெனில், சூழ்நிலைக்கு தகுந்தவாறு செயல்பட வேண்டிய கட்டாயத்தில் அவர்கள் இருக்கிறார்கள்.

தற்போதைய நிலையில், மேக்ஸ் லைஃப் மற்றும் டாடா ஏ.ஐ.ஏ ஆகிய இரண்டு இன்ஷூரன்ஸ் நிறுவனங்கள் மட்டுமே, டேர்ம் இன்ஷுரன்ஸ் எடுப்பதற்கு கொரோனா தடுப்பூசி கட்டாயம் என்பதை நடைமுறைக்கு கொண்டு வந்திருக்கின்றன.

தடுப்பூசி

தடுப்பூசி

டேர்ம் இன்ஷூரன்ஸ் என்பது ஒருவரது இறப்புக்குப் பிறகு, வாழ்வாதாரத்துக்கு அவரை நம்பியிருந்த குடும்பத்தினருக்கு மிகவும் பயன்தரக் கூடியது. கொரோனா பேரிடர் காலத்தில் யாருக்கு வேண்டுமானால் மருத்துவ ரீதியில் ஆபத்து நேரலாம் என்பதால், மக்களிடம் டேர்ம் இன்ஷூரன்ஸின் முக்கியத்துவம் உணரப்பட்டிருக்கிறது. இது வரவேற்கத்தக்க விஷயம்.

அதே சமயம், கொரோனா பெருந்தொற்று ஆரம்பித்ததிலிருந்து, நாட்டின் மருத்துவத்துறைச் சார்ந்த செலவுகள் மட்டுமல்லாமல், ஒவ்வொரு வீட்டின் மருத்துவமனைச் செலவுகளும் நாளுக்கு நாள் அதிகரித்து வருகின்றன. டேர்ம் மற்றும் ஹெல்த் இன்ஷூரன்ஸ் பாலிசி எடுத்திருப்பவர்களுக்கு, இன்ஷூரன்ஸ் நிறுவனங்கள் அதிக அளவில் க்ளெய்ம்கள் கொடுக்க வேண்டிய சூழ்நிலை உருவாகியிருக்கிறது.

Thanks for the Source

Share on Social Media

Leave a Reply

Your email address will not be published. Required fields are marked *