Share on Social Media


இவை ஏன் இந்த நீண்ட பயணத்தை மேற்கொண்டு வருகின்றன, எதை நோக்கிப் பயணித்துக் கொண்டிருக்கின்றன என்று தெளிவாகத் தெரியவில்லை. அதன் சொந்த வாழ்விடத்தில் இருக்கும் மழைக்காடுகள் கொஞ்சம் கொஞ்சமாக அழிக்கப்பட்டுவருவது ஒரு காரணமாக இருக்கலாம் எனக் கூறப்படுகிறது. பலருக்கும் கேளிக்கையாக இருந்தாலும் இது ஒரு முக்கிய சூழலியல் பிரச்சனையை நமக்கு எடுத்துக் காட்டுகிறது என்கின்றனர் சீனாவின் சூழலியல் செயற்பாட்டாளர்கள். ஏற்கெனவே சீனாவில் இந்த ஆசிய யானைகள் பாதுகாக்கப்பட வேண்டிய உயிரினங்கள் பட்டியலில்தான் இருக்கின்றன. சுமார் 300 யானைகள்தான் Yunnan மாகாணத்தில் தற்போது வாழ்ந்துவருகின்றன.

கடந்த சில ஆண்டுகளாகவே விவசாயத்திற்காக வனப்பகுதிகள் பெருமளவில் அழிக்கப்பட்டுவரும் அவலம் சீனாவிலும் அரங்கேறிவருகிறது. இதனால் ஒன்றாக இருந்த பல யானைக் கூட்டங்களும் ஆங்காங்கே பிரிந்து தனித்துவிடப்பட்டிருக்கின்றன. இதனால் மனிதனுக்கும் யானைக்குமான மோதல் கடந்த சில ஆண்டுகளில் பல மடங்கு அதிகரித்திருக்கிறது. இதைத் தடுப்பதற்காகச் சிறப்புக் குழுக்களை நியமித்து யானைகளைக் கண்காணித்து வருகிறது சீன அரசு.



Source link

Share on Social Media

Leave a Reply

Your email address will not be published. Required fields are marked *