Share on Social Media


கருத்துச் சுதந்திரமும் கிளப்ஹவுஸும்:

மக்களுக்கான கருத்துச் சுதந்திரத்தைச் சிறிது காலம் கிளப்ஹவுஸ் வழங்கியிருக்கிறது எனக் கூறலாம். குறிப்பிட்ட நாடுகளில் மக்கள் தாங்கள் பேசத் தயங்கிய கருத்துக்களை கிளப்ஹவுஸ் மூலமாகப் பேசியிருக்கின்றனர். மற்ற சமூக வலைதளங்களில், நாம் என்ன செய்கிறோம் என்ற பதிவுகள் இருப்பதாலும் அரசுகள் மக்கள் என்ன பதிவிடுகிறார்கள் எனக் கண்காணிப்பதாலும் பல சமூக வலைதளங்களில் அரசுக்கு எதிரான கருத்துக்களை மக்களால் பேச முடிவதில்லை, உதாரணத்திற்குச் சீனாவைக் கூறலாம். ஆனால், கிளப்ஹவுஸ் வெளியாகி சிறிது காலமே ஆகியிருந்ததாலும், மக்கள் அதில் கலந்துரையாடிய பதிவுகளை யாராலும் தெரிந்து கொள்ள முடியாது என்பதாலும் பயனர்கள் சுதந்திரமாகத் தங்கள் கருத்துகளை அதில் பகிர்ந்திருக்கிறார்கள். சீனாவைப் போல அரபு நாடுகளிலும், முக்கியமாகப் பெண்கள் பலர் சுதந்திரமாக தங்கள் கருத்துக்களை கிளப்ஹவுஸில் பகிர்ந்திருக்கிறார்கள். அரபு நாடுகள் இந்தச் செயலியைச் தடை செய்வதற்கான வாய்ப்புகள் இருப்பதாகத் தெரிகிறது. மேலும், சரியான உரிமம் இல்லாமல் இயங்குகிறது எனக் கூறி கிளப்ஹவுஸ் செயலியைத் தடை செய்திருக்கிறது ஓமன் அரசு.

சமூக வலைதளங்கள்

சமூக வலைதளங்கள்

புதிதாக ஒரு சமூக வலைதள செயலி பிரபலமாகிறது எனத் தெரிந்தவுடனே மற்ற சமூக வலைதளங்களும் அதே போன்ற ஒரு சேவையைத் தங்கள் தளங்களிலும் உருவாக்கத் தொடங்கினார்கள். கடந்த மாதம் ஸ்பேஸஸ் என்ற பெயரில் கிளப்ஹவுஸ் போன்ற ஒரு சேவையை தங்கள் தளத்தில் தொடங்கியிருந்தது ட்விட்டர். அதனைத் தொடர்ந்து தற்போது டெலிகிராமும் வாய்ஸ் சேட் போன்ற வசதியை அதன் செயலியில் அறிமுகப்படுத்தியுள்ளது. ஃபேஸ்புக்கும் அதே போன்றதொரு வசதியை அறிமுகப்படுத்தும் முனைப்பில் இருக்கிறது.



Source link

Share on Social Media

Leave a Reply

Your email address will not be published. Required fields are marked *