Share on Social Media


தர்மபுரி: தர்மபுரி மாவட்டம் பாப்பாரப்பட்டியில் தேமுதிக தேர்தல் ஆலோசனை கூடடம் நேற்று நடந்தது. கூட்டத்தில் கலந்து கொள்ள வந்த தேமுதிக மாநில துணை செயலாளர் எல்.கே. சுதீஷ் நிருபர்களிடம் கூறியதாவது:- தர்மபுரி மாவட்டத்தில் தேமுதிக எழுச்சியாக உள்ளது. கூட்டணிக்காக நாங்கள் யாரிடமும் கெஞ்சவில்லை. அதிமுக கூட்டணியில் நல்ல தொகுதிகளை கேட்போம். எங்கள் கூட்டணியில் எந்த முரண்பாடும் இல்லை. எங்களுடன் (தேமுதிகவுடன்) கூட்டணி வைக்கும் கட்சிதான் ஆட்சி அமைக்கும் தமிழகத்தில் திமுக, அதிமுகவிற்கு அடுத்ததாக 3-வது பெரிய கட்சியாக தேமுதிகதான் உள்ளது. அதிமுக கூட்டணியில் தேமுதிகதான் பெரிய கட்சி. இவ்வாறு அவர் கூறினார். கூட்டணி பேச்சுவார்த்தையை உடனே நடத்த வேண்டும் என்று அதிமுகவுக்கு தேமுதிக தலைமை பல முறை பகிரங்கமாக வேண்டுகோள் விடுத்தது. ஆனால், அதை அதிமுக தலைமை கண்டுகொள்ளவில்லை. பாமக நிறுவனர் ராமதாசை அமைச்சர்கள் பலமுறை சந்தித்து பேசியபோதும் தேமுதிகவை உதாசினப்படுத்தினர். இதனால், கோபமடைந்த தேமுதிக துணை செயலாளர் சுதீஷ், கூட்டணிக்காக யாரிடமும் கெஞ்சவில்லை என்று சூடாக பேட்டியளித்துள்ளார்.



Source link

Share on Social Media

Leave a Reply

Your email address will not be published. Required fields are marked *