Share on Social Media

அதே போல தற்போது புழக்கத்தில் இருக்கும் அதிக மதிப்பு கொண்ட ரூ.500 நோட்டுகளுக்கு சில்லறை மாற்றுவதற்கும் சிக்கல் உருவாகியிருக்கிறது. ஏனெனில், புழக்கத்தில் மற்ற நோட்டுகளின் எண்ணிக்கை குறைவாகவும், ரூ.500 நோட்டுகளின் எண்ணிக்கை அதிகமாகவும் இருக்கிறது. இதை உறுதிப்படுத்தும் விதமாக, ரிசர்வ் வங்கியின் 2020-2021-ம் ஆண்டிற்கான நிதி அறிக்கையில் சொல்லப்பட்டிருக்கும் புள்ளிவிவரங்களும் உள்ளன.

ரிசர்வ் வங்கி

ரிசர்வ் வங்கி

ரிசர்வ் வங்கி தற்போது வெளியிட்டிருக்கும் நிதிநிலை அறிக்கையில், மார்ச் 2021 நிலவரப்படி, புழக்கத்தில் இருக்கும் அனைத்து ரூபாய் நோட்டுகளின் எண்ணிக்கையில், ரூ.500 நோட்டுகளில் எண்ணிக்கை 31.1 சதவிகிதமாக அதிகரித்திருக்கிறது எனத் தெரிவிக்கப்பட்டுள்ளது. இது கடந்த ஆண்டின் இதே காலட்டத்தில் 25.4 சதவிகிதமாக இருந்தது எனவும், அதற்கு முந்தைய 2019-ம் ஆண்டின் மார்ச் மாதத்தில் 19.8 சதவிகிதமாக இருந்தது எனவும் குறிப்பிடப்பட்டுள்ளது.

அதே சமயம், ரூ.100 மதிப்புள்ள நோட்டுகளின் எண்ணிக்கை மார்ச் 2021-ல் 15.3 சதவிகிதமாகக் குறைந்துள்ளது. இது மார்ச் 2020-ல் 17.2 சதவிகிதமாக இருந்தது. ரூ.10 மதிப்புள்ள நோட்டுகளும் 26.2 சதவிகிதத்திலிருந்து 23.6 சதவிகிதமாகக் குறைந்துள்ளது. ரூ.2,000 மதிப்புள்ள நோட்டுகளின் எண்ணிக்கை, மொத்த ரூபாய் நோட்டுகளின் புழக்கத்தில் 17.3% பங்கு வகிப்பதாகவும், இது கடந்த ஆண்டின் இதே காலகட்டத்தில் 22.6 சதவிகிதமாகவும், 2019-ம் ஆண்டின் மார்ச் மாதத்தில் 31.2 சதவிகிதமாகவும் இருந்தது.

Thanks for the Source

Share on Social Media

Leave a Reply

Your email address will not be published. Required fields are marked *