Tamil News Spot
Share on Social Media

1. காசோலை பரிவர்த்தனையில் மாறுதல் – (Positive pay system)

ரிசர்வ் வங்கி 2021 ஜனவரி 1 முதல் நடைபெறவிருக்கும் காசோலை பணப் பரிவர்த்தனைகளுக்கான முறையில் மாறுதல்களை அறிவித்துள்ளது. 

அதன்படி 50,000 ரூபாய்க்கு மேல் காசோலை வாயிலாகப் பணபரிவர்த்தனை செய்யும் ஒருவர் அந்தக் காசோலை யாருக்கு வழங்கப்படுகிறது, என்ன தேதியில் வழங்கப்படுகிறது, எவ்வளவு தொகைக்கு வழங்கப்படுகிறது போன்ற தகவல்களை வங்கிகளுக்குத் தர வேண்டும்.

அந்தச் காசோலையை பரிசீலனை செய்யும்போது வாடிக்கையாளர் கொடுத்துள்ள தகவல்கள் சரிபார்க்கப்படும். இதில் தவறுகள் இருந்தால் அந்த காசோலை பரிசீலிக்கப்படாது.

இந்தத் தகவல்களை வாடிக்கையாளர்கள் தமது மொபைல் ஆப்பின் மூலமாகவோ, வங்கிக் கிளையிலோ, இன்டர்நெட் பேங்கிங் வாயிலாகவோ, ஏ.டி.எம் மூலமாகவோ தெரிவிக்க முடியும். இதற்கான வசதிகளை ஒவ்வொரு வங்கியும் தமது வாடிக்கையாளர்களுக்கு செய்து தர வேண்டும் என்று ரிசர்வ் வங்கி கேட்டுக்கொண்டுள்ளது.

இதன் மூலம் காசோலை மோசடிகளைப் பெருமளவு குறைக்க முடியும். பாதுகாப்பான வங்கி பரிவர்த்தனைகளை உறுதிப்படுத்த முடியும் என்று ரிசர்வ் வங்கி கருதுகிறது.

ரூ.50,000-க்கு மேல் காசோலை கொடுக்கும் ஒவ்வொருவரும் இந்த வசதியைப் பயன்படுத்திக் கொள்ள முடியும். என்றாலும் இந்தத் தகவல்களை வாடிக்கையாளர் கொடுக்க வேண்டும் என்ற கட்டாயம் இல்லை. ஆனால், ரூ. 5 லட்சத்துக்கு மேல் காசோலை மூலம் பரிவர்த்தனை செய்யும்போது இந்தத் தகவல்கள் கட்டாயமாகும். இவற்றைக் கொடுத்தால் மட்டுமே இனி ரூ. 5 லட்சத்துக்கும் மேற்பட்ட மதிப்புடைய காசோலைகள் செல்லுபடியாகும். இந்த மாற்றமானது வாடிக்கையாளரின் பாதுகாப்பை உறுதி செய்வதற்காகவே கொண்டு வரப்படுவதால் சரியான தகவல்களை வாடிக்கையாளர்கள் கொடுப்பது அவசியம்.

Thanks for the Source

Share on Social Media

Leave a Reply

Your email address will not be published. Required fields are marked *