Share on Social Media


செந்தில் பாலாஜி வகித்து வந்த கரூர் மாவட்டச் செயலாளர் பொறுப்பு மற்றும் அமைச்சர் பதவிகளில் இருந்து கட்சி தலைமையால் நீக்கப்பட்டார். கடந்த 2016 ஆம் ஆண்டு அரவக்குறிச்சி சட்டமன்ற தொகுதியில் வேட்பாளராக அ.தி.மு.க சார்பில் நிறுத்தப்பட்டார். ஆனால், பணபட்டுவாடா புகாரில் அரவக்குறிச்சியில் தேர்தல் நிறுத்தப்பட்டு, மீண்டும் நடைபெற்ற தேர்தலில் அ.தி.மு.க சார்பில் களம் கண்டு, வெற்றி பெற்றார். இந்நிலையில், திடீரென உடல்நலக்குறைவால் முன்னாள் முதல்வர் ஜெயலலிதா உயிரிழந்தபோது, அ.தி.மு.க இரண்டாக உடைந்து அம்மா மக்கள் முன்னேற்ற கழகம் என பிரிந்தது. அப்போது, டி.டி.வி அணியில் அ.ம.மு.கவில் இணைந்து அரசியலில் ஈடுபட்டு வந்தார்.

பிரசாரத்தை தொடங்கிய செந்தில் பாலாஜி

பிரசாரத்தை தொடங்கிய செந்தில் பாலாஜி

18 எம்.எல்.ஏக்கள் தகுதிநீக்க தீர்ப்பைச் சந்தித்து, தனது எம்.எல்.ஏ பதவியை இழந்தார். அதன்பிறகு, தி.மு.கவுக்கு சென்று, கடந்த 2019 இடைதேர்தலில் அரவக்குறிச்சியில் நின்று, மீண்டும் எம்.எல்.ஏவானார். அதேபோல், 2016 சட்டமன்ற பொதுத்தேர்தலில் கரூர் சட்டமன்ற தொகுதியில் எம்.ஆர்.விஜயபாஸ்கர் முதல்முறையாக சட்டப்பேரவை உறுப்பினராக தேர்ந்தெடுக்கப்பட்டு, தமிழக போக்குவரத்துத் துறை அமைச்சரானார். அதோடு, அ.தி.மு.க மாவட்டச் செயலாளராகவும் உள்ளார்.



Thanks for the source

Share on Social Media

Leave a Reply

Your email address will not be published. Required fields are marked *