Share on Social Media


இது உண்மையிலேயே ஹை-டெக் கேட்ஜெட்தான். எல்.ஜி நிறுவனத்தின் பியூரிகேர் வியரபிள் ஏர் பியூரிபைஃயரை (PuriCare Wearable Air Purifier) தான் இருவரும் அணிந்திருக்கின்றனர். இதில் அப்படி என்ன ஸ்பெஷல்?

இதை மாஸ்க் என்று சொல்வதை விட ஒரு குட்டி ஏர் ப்யூரிஃபயர் என்று சொன்னால்தான் சரியாக இருக்கும். டெல்லி போன்ற பெருநகரங்களில் அதிகளவில் இருக்கும் காற்று மாசில் இருந்து தப்பிக்க இந்த ஏர் ப்யூரிஃபயரைப் பயன்படுத்தலாம். வீடுகளில் பயன்படுத்தப்படும் முழு வடிவ ஏர் ப்யூரிஃபயர்கள் போலவே இதுவும் செயல்படும்.

இதற்கெல்லாம் ஆற்றல் வேண்டும் தானே. அதற்காக ஒரு குட்டி 820 mAh பேட்டரி வைத்திருக்கிறார்கள். 2 மணி நேரம் சார்ஜ் செய்தால், இதனை அதிகபட்சமாக 8 மணி நேரம் தொடர்ந்து பயன்படுத்தலாம். இதை கடந்த ஆண்டு இறுதியில் அறிமுகம் செய்தது எல்.ஜி நிறுவனம்.

வைரஸ் மற்றும் பேக்டீரியாக்கள் போன்ற நுண்ணுயிர்களை அழிப்பதற்கு UV-LED லைட்டும் இதில் இருக்கிறது. ஆனால், இது கொரோனாவுக்காக தயாரித்ததாக எங்கும் வெளிப்படையாக குறிப்பிடவில்லை எல்ஜி நிறுவனம். மேலும் உள்வரும் காற்றை சுத்திகரிக்கும் இது வெளிச்செல்லும் காற்றை சுத்திகரிக்குமா என்பதும் குறிப்பிடப்படவில்லை. கொரோனா தொற்றை தடுப்பதில் அதுவும் மிக முக்கியம் என்கின்றனர் வல்லுநர்கள்.

இதில் இருக்கும் ஏர் ஃபில்டர்களை குறிப்பிட்ட காலத்திற்கு ஒரு முறை மாற்ற வேண்டியது அவசியம். அதனை எப்போது மாற்ற வேண்டும் என்று தெரிந்துகொள்ள, இதை LG ThinQ மொபைல் செயலியுடன் இணைக்க வேண்டும்.



Source link

Share on Social Media

Leave a Reply

Your email address will not be published. Required fields are marked *