Share on Social Media


போஜ்புரி படங்களில் நடித்து வரும் கேசரி லால் யாதவ் தன்னை சுஷாந்த் சிங் ராஜ்புட் போன்று ஆக்க திரையுலகினர் சதி செய்வதாக புகார் தெரிவித்துள்ளார்.

கேசரி லால் யாதவ்

போஜ்புரி திரையுலகின் முன்னணி நடிகர்களில் ஒருவராக இருப்பவர் கேசரி லால் யாதவ். அவர் அண்மையில் ஃபேஸ்புக் லைவில் வந்தார். 11 நிமிடங்கள் பேசிய அவர் தன் கெரியர் பற்றி சில திடுக்கிடும் தகவல்களை வெளியிட்டார். ஃபேஸ்புக் லைவில் கேசரி லால் யாதவ் கூறியதாவது, போஜ்புரி திரையுலகை சேர்ந்த சிலர் என்னை இன்னொரு சுஷாந்த் சிங் ராஜ்புட்டாக்க சதி செய்து வருகிறார்கள் என்று நினைக்கிறேன். பாலிவுட்டில் சுஷாந்துக்கு கிடைத்த அதே அன்பு தான் எனக்கு போஜ்புரி திரையுலகில் கிடைத்துக் கொண்டிருக்கிறது. இருப்பினும் தான் வீக்கானவன் இல்லை என்றார்.

ரசிகர்கள்

samayam tamil Tamil News Spot

எனக்கு என் ரசிகர்கள் மற்றும் இந்த நாட்டு மக்களின் ஆதரவு இருக்கிறது. திரையுலகை சேர்ந்த சிலருக்கு என்னுடன் என்ன பிரச்சனை என்பது தெரியவில்லை. நான் கடந்த 2011ம் ஆண்டில் இருந்து போஜ்புரி திரையுலகில் இருக்கிறேன். நான் நடித்த சில படங்கள் மற்றும் பாடல்கள் சூப்பர் டூப்பர் ஹிட்டானது சிலரை கடுப்படைய வைத்திருக்கலாம். மேலும் நான் சமூக சேவை செய்து வருவதும் அவர்களுக்கு பிடிக்காமல் இருக்கலாம். அவர்கள் எவ்வளவு தொல்லை கொடுத்தாலும் நான் தற்கொலை மட்டும் செய்து கொள்ள மாட்டேன். நான் தைரியமானவன் என்று தெரிவித்துள்ளார். கேசரி லால் யாதவ் கூறியதை கேட்ட ரசிகர்கள் அவருக்கு ஆறுதல் கூறி வருகிறார்கள்.

சுஷாந்த்

samayam tamil Tamil News Spot

சின்னத்திரையில் இருந்து பெரிய திரைக்கு வந்து யார் உதவியும் இல்லாமல் முன்னணி நடிகர் என்கிற அந்தஸ்தை பெற்றார் சுஷாந்த் சிங் ராஜ்புட். பாலிவுட்காரர்கள் தன்னை ஒதுக்கி வைப்பதாக அவர் தெரிவித்தார். இந்நிலையில் கடந்த ஜூன் மாதம் தன் வீட்டில் தூக்கு போட்டு தற்கொலை செய்து கொண்டார். அது தற்கொலை அல்ல கொலை என்று சுஷாந்தின் குடும்பத்தாரும், ரசிகர்களும் தெரிவித்தனர்.

பாலிவுட்

samayam tamil Tamil News Spot

சுஷாந்த் வழக்கை முதலில் மும்பை போலீசார் விசாரித்தனர். அதன் பிறகு அந்த வழக்கு சிபிஐக்கு மாற்றப்பட்டது. சுஷாந்த் மரணத்திற்கு நியாயம் கேட்டு ரசிகர்கள் அவ்வப்போது ட்விட்டரில் ஏதாவது ஹேஷ்டேகை டிரெண்ட் செய்து வருகிறார்கள். பாலிவுட்டின் பெரிய ஆட்கள் சேர்ந்து சுஷாந்தை டார்கெட் செய்து கொன்றுவிட்டனர் என்கிறார்கள் ரசிகர்கள். இந்நிலையில் தான் தன்னை அடுத்த சுஷாந்தாக்க சதி நடந்து வருவதாக கேசரி லால் யாதவ் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *