Share on Social Media


ஆலிவ் ஆயில் ஹேர் மாஸ்க் முடி வளர்ச்சியை தூண்டுகிறது. முடி உதிர்தலை கட்டுப்படுத்துகிறது. மற்றும் முனைகளை பிளப்பதை தடுக்கிறது. இது உலர்ந்த சேதமடைந்த முடியை மென்மையாகவும் பளபளப்பாகவும் வைத்திருக்கிறது. ஆலிவ் எண்ணெய்வீட்டிலேயே எளிதாக ஆலிவ் ஆயில் ஹேர் மாஸ்க் தயாரிப்பது எப்படி என்பதை பார்க்கலாம்.

​ஆலிவ் எண்ணெய் மற்றும் தேன்

ஆலிவ் எண்ணெய் – 3 டீஸ்பூன்

தேன் – 1 டீஸ்பூன்

வைட்டமின் ஈ மாத்திரை – 1

எப்படி தயாரிப்பது

ஆலிவ் எண்ணெய் மற்றும் தேன் இரண்டையும் நன்றாக கலக்கவும். வைட்டமின் ஈ மாத்திரையை துளைத்து, இந்த கலவையில் பிழியவும். இது மென்மையாகும் வரை கிளறி சுத்தமான கூந்தலில் தடவி அரை மணி நேரம் முதல் ஒரு மணி நேரம் வரை வைத்திருந்து முடியை மைல்டான ஷாம்பு கொண்டு அலசி எடுக்கவும்.வறட்சி அதிகமாக இருந்தால் வாரத்தில் இரண்டு நாட்கள் வரை பயன்படுத்தவும்.

Monsoon skin care tips : மழைக்கால சரும பராமரிப்பு செய்ய இந்த 5 பானங்கள் போதுமாம்! இப்பவே ட்ரை பண்ணுங்க!

பலன்கள்:

தேன் ஒரு ஈரப்பதமூட்டி இது முடியை நிலைநிறுத்த செய்கிறது. பொடுகை குறைக்க உதவும் நுண்ணுயிர் எதிர்ப்பு பண்புகளை கொண்டுள்ளது.

எண்ணெய்பசை முடி கொண்டிருந்தால் தலைமுடியின் நடுவிலிருந்து இதை பயன்படுத்தலாம். கூந்தலை அலச வெதுவெதுப்பான நீர் மற்றும் குளிர்ந்த நீரை மட்டுமே பயன்படுத்துங்கள். கூந்தல் சுருளாக இருந்தால் தேன் பயன்படுத்த வேண்டாம்.

​ஆலிவ் எண்ணெய் மற்றும் முட்டை

samayam tamil Tamil News Spot

வறண்ட கூந்தல் – 2 முட்டையின் மஞ்சள் கரு

எண்ணெய் கூந்தலுக்கு – வெள்ளை கரு

ஆலிவ் எண்ணெய் – 3 டீஸ்பூன்

முடி வகையை பொறுத்து முட்டையை தேர்வு செய்ததும் மஞ்சள் கரு / வெள்ளரிக்கரு எடுத்து ஆலிவ் எண்ணெய் சேர்த்து நன்றாக க்ரீமி பதத்துக்கு கால்க்கவும். முடி நீளத்துக்கேற்ப முட்டை அளவை கூட்டியும் குறைத்தும் கொள்ளலாம்.

கூந்தலுக்கு ஷாம்பு கொண்டு அலசி ஈரமான முடியில் அகலமான பற்களை கொண்ட சீப்புவை எடுத்து கலவையில் தடவி எடுக்கவும். 20 நிமிடங்கள் கழித்து ஷாம்பு கொண்டு அலசி கூந்தலை உலர விடவும். வாரத்தில் இரண்டு முறை செய்யலாம். முட்டை வாசனை போக அத்தியாவசிய எண்ணெய் சேர்க்கலாம்.

பலன்கள்

முட்டைகளில் இருக்கும் புரதங்கள், கொழுப்புகள் மற்றும் நுண்ணூட்டச்சத்துக்கள் முடி ஆரோக்கியத்தை அதிகரிக்கும். மஞ்சள் கருவில் கொழுப்பு எண்ணெய்கள் நிறைந்துள்ளன. இது சேதமடைந்த முடியை வளர்க்கவும் பழுது பார்க்கவும் உதவுகின்றன. முட்டையின் வெள்ளைக்கரு தலைமுடியிலிருந்து அதிகப்படியான எண்ணெய்களை அகற்றும் என்சைம்கள் உள்ளன. இது கூந்தலுக்கு உடனடி பிரகாசத்தை அளித்து கூந்தலை மென்மையாக்கும்.

​ஆலிவ் எண்ணெய் உடன் அவகேடோ

samayam tamil Tamil News Spot

அவகேடோ – 1

ஆலிவ் எண்ணெய் – 2 டீஸ்பூன்

அவகேடோ பழத்தை கட்டிகள் இல்லாமல் பாத்திரத்தில் பிசைந்து கொள்ளவும். இந்த பழத்தில் ஆலிவ் எண்ணெய் சேர்க்கவும். இதை மென்மையான பேஸ்ட் ஆக்கி நன்றாக கலந்து விடவும். தேவையெனில் ஒரு டீஸ்பூன் தேன் சேர்க்கலாம்.

அழுக்கில்லாமல் கூந்தலை அலசி ஈரப்பதமாக இருக்கும் போது முடியை பரந்த சீப்பு கொண்ட அகலமான சீப்பில் வாரி பகுதியாக பிரித்து இந்த மாஸ்க் பயன்படுத்தவும். குறிப்பாக முடியின் வேர்க்கால்களில் கவனம் செலுத்துங்கள். சூடான அல்லது ஈரமான துண்டு அல்லது ஷவர் தொப்பியால் மூடி வையுங்கள். பிறகு ஒரு மணி நேரம் கூந்தலில் விட்டு முடியை ஷாம்பு போட்டு கண்டிஷனர் செய்து விடவும். அதிக வறட்சிக்கு வாரம் ஒரு முறை இதை செய்யலாம்.

பலன்கள்

அவகேடோ வறண்ட கூந்தலுக்கு புத்துயிர் அளிக்கும் பழம். அவகேடோ பழம் ஒலிக் அமிலம், ஒமேகா 3 கொழுப்பு அமிலங்கள், ஆன் டி ஆக்ஸிடண்ட்கள் மற்றும் வைட்டமின்கள் ஏ பி நிறைந்துள்ளது. இந்த ஹேர் பேக் தலைமுடியை வலுப்படுத்தும். ஈரப்பதமாக்க செய்யும். இது சிக்கல்களை எளிதாக்குகிறது. கூந்தலுக்கு பிரகாசம் அளிக்கிறது.

​ஆலிவ் எண்ணெய் உடன் தேங்காய் எண்ணெய்

samayam tamil Tamil News Spot

ஆலிவ் எண்ணெய் – 3 டீஸ்ஊன்

தேங்காயெண்ணெய் – 3 டீஸ்பூன்

தேங்காயெண்ணெயை பாத்திரத்தில் விட்டு மென்மையாக சூடேற்றவும். ஆலிவ் எண்ணெயைசேர்த்து நன்றாக கலக்கவும். தலைமுடிக்கு அகலமான பற்களை கொண்ட சீப்பு பயன்படுத்தவும். முடியை ஆறு பிரிவுகளாக பிரித்து இந்த பேக் வேர் முதல் அடிவரை வட்ட இயக்கத்தில் மசாஜ் செய்யவும். பிறகு ஷவர் கேப் அணிந்து 45 நிமிடங்கள் கழித்து கூந்தலை அலசி எடுக்கவும்.

பலன்கள்

தேங்காய் எண்ணெய் முடியினுள் ஊடுருவி புரத இழப்பை தடுக்கிறது. இந்த ஹேர் மாஸ்க் முடியை புதுப்பிக்க செய்யும். நேர்த்தியான கூந்தல் இருப்பவர்கள் தேங்காயெண்ணெய் பயன்படுத்த வேண்டாம்.

​ஆலிவ் எண்ணெய் மற்றும் பேக்கிங் சோடா

samayam tamil Tamil News Spot

பேக்கிங் சோடா – 2 டீஸ்பூன்

ஆலிவ் எண்ணெய் – 4 டீஸ்பூன்

ஆலிவ் எண்ணெயில் பேக்கின் சோடா சேர்த்து மரக்கரண்டியால் நன்றாக கலக்கவும். பிறகு தலைமுடியை பிரித்து முட்டியின் வேர்களுக்கு பயன்படுத்தவும். வட்ட இயக்கத்தில் மசாஜ் செய்யவும். 10 நிமிடங்கள் அப்படியே வைத்திருந்து கூந்தலை ஷாம்பு கொண்டு அலசி எடுக்கவும்.

Skin Food: சருமம் ஜொலிக்க தக்காளி நிறைய சாப்பிடுங்க, வேற என்னலாம் சாப்பிடலாம், ஆண்களுக்கும் தான்!

பலன்கள்

இது சிறந்த ஸ்கால்ப் க்ளென்சர் ஆகும். உச்சந்தலையில் உள்ள அசுத்தங்கள் மற்றும் தயாரிப்புகளை அகற்ற செய்கிறது. உச்சந்தலை அரிப்பை போக்குகிறது.

பேக்கிஞ் சோடா உச்சந்தலையில் எரிச்சலை உண்டாக்கும். அதனால் இதை பயன்படுத்துவதற்கு முன்பு சருமத்தில் பேட்ச் டெஸ்ட் செய்யுங்கள். சருமத்தில் ஏதேனும் வித்தியாசமான உணர்வு ஏற்பட்டால் அதை பயன்படுத்த வேண்டாம்.



Source link

Share on Social Media

Leave a Reply

Your email address will not be published. Required fields are marked *