Share on Social Media

இளவேனில்தான் உலகின் நம்பர் 1 வீராங்கனை ஆயிற்றே, நிச்சயம் அவருக்கு இடம் கிடைத்துவிடும் என்று நினைத்தால், அங்குதான் இந்திய துப்பாக்கிசுடுதல் கழகத்தின் ரேங்கிங் பெரிய சந்தேகத்தை ஏற்படுத்தியது. 10 மீட்டர் ஏர் ரைஃபிள் பிரிவில் உலகின் நம்பர் 1 வீராங்கனை, இந்தியாவின் நம்பர் 1 இல்லை! இதற்கு மத்தியில் கொரோனா வந்துவிட, நாம் ஒலிம்பிக் செல்வோமா மாட்டோமா என்ற குழப்பத்தில்தான் இளவேனிலின் ஒவ்வொரு நாளும் நகர்ந்தது. ஆனால், அதற்காகவெல்லாம் அவர் துவண்டுவிடவே இல்லை. வீட்டிலேயே ஜிம் அமைத்து தன் பயிற்சியைத் தொடங்கினார். தொடர்ந்து தன் ஆட்டத்தில் முன்னேறினார். நீண்ட நாள்களுக்குப் பிறகு டெல்லியில் நடந்த ட்ரயல்ஸில் அபூர்வி, அஞ்சும் இருவரையும் விடவுமே சிறப்பாகச் செயல்பட்டார். இந்திய ஒலிம்பிக் அணியில் அவருக்கான இடம் உறுதியானது!

எத்தனை மாற்றங்கள் நடந்தாலும், குழப்பங்கள் ஏற்பட்டாலும், இளவேனில் கொஞ்சம் கூட நம்பிக்கை இழப்பதில்லை. இதோ, உதட்டில் அதே சிரிப்போடும், பார்வையில் அதே உக்கிரத்தோடும் தன் அடுத்த டார்கெட்டை லாக் செய்துவிட்டார். அடுத்த தோட்டா டோக்கியோவில் தங்கத்தை நோக்கிப் பாய்ந்துகொண்டிருக்கிறது.

Thanks for the source

Share on Social Media

Leave a Reply

Your email address will not be published. Required fields are marked *