Share on Social Media


சென்னை சாலிகிராமம் காந்தி நகரில் வடபழனி முருகன் கோயிலுக்குச் சொந்தமான 5.5 ஏக்கர் நிலம் உள்ளது. இந்த இடத்தின் மதிப்பு சுமார் ரூ.250 கோடியாகும். இந்த இடத்தில் ஒரு பகுதியில் பெண்கள் விடுதி கட்டப்பட்டிருக்கிறது. மீதமுள்ள இடத்தில் கழிவுநீர், கட்டட கழிவுகள் கொட்டப்பட்டிருந்தன. இந்த இடத்தை ஆக்கிரமித்த சிலர் வாகனங்களை நிறுத்த பணம் வசூலித்து வந்தனர். மேலும் சமூகவிரோத செயல்களும் நடந்துவந்தது.

இந்த இடத்தை ஆக்கிரமிப்பாளர்களிடமிருந்து மீட்க வேண்டும் என இந்து சமய அறநிலையத்துறைக்கு அந்தப்பகுதி மக்கள் தொடர்ந்து கோரிக்கை வைத்தனர். இந்த தகவல் அமைச்சர் சேகர்பாபுவின் கவனத்துக்குச் சென்றதும் உடனடியாக இடத்தை மீட்க நடவடிக்கை மேற்கொண்டார். இதையடுத்து அமைச்சர் சேகர்பாபு சென்னை மாநகராட்சி கமிஷனர் சுகன்திப்சிங் பேடி, இந்து சமய அறநிலையத்துறை கமிஷனர் குமரகுருபரன், வடபழனி கோயில் துணை கமிஷனர் சித்ராதேவி ஆகியோர் இன்று காலை சம்பவ இடத்துக்குச் சென்றனர். வடபழனி உதவி கமிஷனர் ஆரோக்கிய ரவீந்திரன், இன்ஸ்பெக்டர் புருஷோத்தம்மன், முகமது பரகத்துல்லா தலைமையில் 100-க்கும் மேற்பட்ட போலீஸார் அங்கு குவிக்கப்பட்டனர்.



Source link

Share on Social Media

Leave a Reply

Your email address will not be published. Required fields are marked *