Share on Social Media


‘ஆர்ஆர்ஆர்’ படத்தில் அனிருத் பாடல் ?

21 ஜூலை, 2021 – 11:16 IST

எழுத்தின் அளவு:


ராஜமவுலியின் இயக்கத்தில் கீரவாணி இசையமைப்பில் ஜுனியர் என்டிஆர், ராம் சரண் மற்றும் பலர் நடிக்கும் பிரம்மாண்ட சரித்திரப் படம் ‘ஆர்ஆர்ஆர்’. இப்படத்திற்காக ஒவ்வொரு மொழியிலும் பிரமோஷன் செய்வதற்காக ஒரு பிரமோஷன் பாடலைப் படமாக்க உள்ளார்கள். அதற்கான வேலைகள் தற்போது ஐதராபாத்தில் நடந்து வருகிறது.

இசையமைப்பாளர் கீரவாணி ஒவ்வொரு மொழியிலும் இருந்தும் ஒரு பிரபலத்தைத் தேர்ந்தெடுத்து பாடலை பாட வைக்கப் போகிறாராம். ஹிந்தியில் இசையமைப்பாளர் அமித் த்ரிவேதியும், தமிழில் அனிருத்தும் அப்பாடலைப் பாடப் போகிறார்களாம்.

இது குறித்து அனிருத்திடம் படத்தின் இசையமைப்பாளர் கீரவாணி கேட்டதும் அனிருத் உடனே சம்மதம் சொல்லிவிட்டார் என்கிறார்கள். ஏற்கெனவே மற்ற இசையமைப்பாளர்களின் இசையிலும் சில ஹிட் பாடல்களைப் பாடியுள்ளவர் அனிருத்.

‘ஆர்ஆர்ஆர்’ போன்ற பிரம்மாண்ட படைப்பில் பங்கெடுப்பதில் அவருக்கும் ஆசை இருக்கத்தானே செய்யும். ‘இந்தியன் 2’ படம் தாமதமாகி வரும் நிலையில் ‘ஆர்ஆர்ஆர்’ படத்தில் அனிருத் ஒரு பாடலைப் பாடினால் அவருக்கு அது இன்னும் புகழைத் தேடிக் கொடுக்கும் என்பதில் சந்தேகமில்லை.





Source link

Share on Social Media

Leave a Reply

Your email address will not be published. Required fields are marked *