Share on Social Media


விசாரணையில், நாமக்கல் மாவட்டம், பள்ளிப்பாளையத்தில் உள்ள கூரியர் அலுவலகத்தில் இருந்து இந்த பார்சல் எடுத்து வரப்பட்டது தெரிய வந்திருக்கிறது. அங்கிருந்து நூல் பிடித்து யார் யாருக்கெல்லாம் குட்கா, புகையிலைப் பொருட்கள் சப்ளை ஆகியுள்ளது என போலீஸார் விசாரித்துள்ளனர். அதில் ஈரோடு மணிக்கூண்டு சொக்கநாத வீதியைச் சேர்ந்த பிரகலாத் பட்டேல் (22), ஈரோடு ராமசாமி லைன் இரண்டாவது வீதியைச் சேர்ந்த தாராராம் (37), அதே பகுதியைச் சேர்ந்த லட்சுமண ராம் (37) ஆகியோர் சிக்க, அவர்களை போலீஸார் கைது செய்தனர். இவர்கள் கருங்கல்பாளையம் கோட்டையார் வீதியில், குடோன் ஒன்றினை வாடகைக்கு எடுத்து அதில் குட்கா, புகையிலைப் பொருட்களை பதுக்கி வைத்து, சட்டவிரோதமாக விற்பனை செய்துவந்தது தெரிந்திருக்கிறது. அதனையடுத்து குடோனில் மூட்டை மூட்டையாக பதுக்கி வைக்கப்பட்டிருந்த ரூ. 4.41 லட்சம் மதிப்பிலான 468 கிலோ குட்கா மற்றும் புகையிலைப் பொருட்களை போலீஸார் பறிமுதல் செய்து, குற்றவாளிகளை பெருந்துறை கிளைச் சிறையில் அடைத்தனர்.

பறிமுதல் செய்யப்பட்ட புகையிலைப் பொருட்கள்

பறிமுதல் செய்யப்பட்ட புகையிலைப் பொருட்கள்

இந்த விவகாரம் குறித்து விஷயமறிந்த போலீஸாரிடம் பேசினோம். “சம்பந்தப்பட்ட குற்றவாளிகள் பெங்களூருவிலிருந்து பார்சல் லாரிகள் மூலமாக ஈரோட்டிற்கு குட்காவை கொண்டு வந்து, குடோன்களில் பதுக்கி வைத்து சட்டவிரோதமாக விற்பனை செய்திருக்கின்றனர். இப்படி லாரிகளில் பார்சல் மூலமாக குட்கா கடத்தி வரப்படுவதை கண்டுபிடிப்பது சவாலாக இருக்கிறது. இருப்பினும் அதனை தீவிரமாகக் கண்காணித்து வருகிறோம். தற்போது கைது செய்யப்பட்டவர்கள் அனைவரும் வட மாநிலத்தைச் சேர்ந்தவர்கள். இவர்கள் பல்க்காக குட்கா, புகையிலைப் பொருட்களை இறக்குமதி செய்து கடைகளுக்கு விற்பனை செய்து வந்துள்ளனர். இந்த நெட்வொர்க்கின் பின்னணியில் இன்னும் யார் யாரெல்லாம் இருக்கிறார்கள் என விசாரித்து வருகிறோம்” என்றனர்.



Source link

Share on Social Media

Leave a Reply

Your email address will not be published. Required fields are marked *