Share on Social Media

க்ளவுட் கம்ப்யூட்டிங் துறையில் 33 சதவிகிதம் இடத்தை அமேசானே ஆக்கிரமித்திருக்கிறது. அமேசான் என்ற நிறுவனத்தின் இன்ஜினாக மாறுகிறது அமேசான் வெப் சர்வீஸஸ். அதனை உந்திச் செலுத்தும் நபராக ஆண்டி ஜாஸி இருக்கிறார். இந்த ஒரு செயல்பாடே சொல்லிவிடும், ஆண்டி ஜாஸி ஏன் அமேசானின் அடுத்த செயல் அதிகாரியாக அறிவிக்கப்பட்டிருக்கிறார் என்று. தற்போது அவரது சம்பளம் 1.75 லட்சம் அமெரிக்க டாலர்கள் என அறிவிக்கப்பட்டிருக்கிறது. மேலும், 200 மில்லியன் டாலர் மதிப்புள்ள 61,000 பங்குகளையும் ஆண்டி ஜாஸிக்கு அமேசான் நிறுவனம் அளிக்கவிருக்கிறது.

ட்ரில்லியன் டாலர் நிறுவனம் என்றால் சவால்களும் குறைவாகவா இருக்கப்போகிறது. தலைமை செயல் அதிகாரி என்னும் பகட்டான அரியணையில் ஏறி அமர்ந்தாலும், ஜாஸி சந்திக்கவிருக்கும் பிரச்னைகளும் கண்முன்னே கொட்டிக் கிடக்கின்றன. ஐரோப்பாவில் சுயலாபத்துக்காக வணிகர்களின் தகவல்களை அமேசான் பயன்படுத்திக் கொண்டது என அதன் மீது குற்றம் சுமத்தப்பட்டு விசாரணை நடந்து கொண்டிருக்கிறது. அமேசானின் லாஜிஸ்டிக்ஸ் மற்றும் சில்லறை வணிகப் பிரிவு இரண்டையும் பிரிக்க வேண்டும் என அமெரிக்க அரசு அழுத்தம் கொடுத்து வருகிறது. வாடிக்கையாளர்களுக்கு அதிக விலை நிர்ணயம் செய்ததாக கொலம்பியா மாகாணத்தில் வழக்கு தாக்கல் செய்யப்பட்டிருக்கிறது. இதற்கிடையில் மற்ற நிறுவனங்களுடனான போட்டியைச் சமாளிக்க வேண்டும் என ஜாஸி எதிர்கொள்ள வேண்டிய சவால்கள் நிறையவே இருக்கின்றன.

Thanks for the Source

Share on Social Media

Leave a Reply

Your email address will not be published. Required fields are marked *