NTLRG 20201015151711069016 Tamil News Spot
Share on Social Media

அனுபவமே பாடம் : ரஜினி டுவீட்

15 அக், 2020 – 15:17 IST

எழுத்தின் அளவு:


Rajinikanth-tweet-becomes-Trend

சென்னை : ராகவேந்திரா திருமண மண்டப சொத்து வரி விவகாரம் தொடர்பாக ‛#அனுபவமே_பாடம் என்னும் ஹேஸ்டேக் உடன் டுவிட்டரில் ரஜினி கருத்து தெரிவித்துள்ளார். ரஜினி உபயோகித்த இந்த ஹேஸ்டேக் டுவிட்டரில் டிரெண்டானது.

நடிகர் ரஜினிக்கு சொந்தமாக சென்னை கோடம்பாக்கத்தில் உள்ள ராகவேந்திரா திருமண மண்டபத்திற்கு கடந்த ஏப்ரல் முதல் செப்டம்பர் வரையிலான ஆறு மாத காலத்துக்கு 6.50 லட்சம் ரூபாய் சொத்து வரி செலுத்தும்படி சென்னை மாநகராட்சி நோட்டீஸ் அனுப்பியது. மேலும், அக்.,15ம் தேதிக்குள் செலுத்தாவிடில் இரண்டு சதவீத அபராதத்துடன் வரி செலுத்த நேரிடும் எனவும் மாநகராட்சி தரப்பில் தெரிவிக்கப்பட்டிருந்தது. இதையடுத்து, சொத்து வரி மீது அபராதம் விதிக்க தடை விதிக்க வேண்டும் எனக் கூறி, சென்னை உயர்நீதிமன்றத்தில் ரஜினி மனு தாக்கல் செய்தார்.

இந்த மனு, சென்னை உயர் நீதிமன்ற நீதிபதி அனிதா சுமந்த் முன்னிலையில் நேற்று (அக்.,14) விசாரணைக்கு வந்தபோது, ரஜினி தரப்பை நீதிபதி கடுமையாகக் கண்டித்தார். நீதிமன்ற நேரத்தை வீணடிப்பதற்காக அபராதம் விதிக்கப் போவதாகவும் நீதிபதி எச்சரித்தார். இதையடுத்து, அந்த ‛மனுவைத் திரும்பப் பெற அனுமதிக்க வேண்டும் என ரஜினி தரப்பில் கோரிக்கை வைக்கப்பட்டது. அதை ஏற்றுக்கொண்ட நீதிமன்றம் அந்த மனுவைத் தள்ளுபடி செய்து உத்தரவிட்டது. இந்த விவகாரம் சர்ச்சையாக உருவெடுத்தது. சமூக வலைதளங்களில் பலரும் வரி செலுத்தாத ரஜினி என விமர்சனத்தை முன்வைத்தனர்.

இந்நிலையில், வரி செலுத்த இறுதிநாளான இன்று, 6.50 லட்சத்தை ரஜினி தரப்பில் இருந்து செலுத்தப்பட்டது. மேலும், இந்த விவகாரம் குறித்து டுவிட்டரில் கருத்து தெரிவித்த ரஜினி, ‛ராகவேந்திரா மண்டப சொத்து வரி.. நாம் மாநகராட்சியில் மேல்முறையீடு செய்திருக்க வேண்டும். தவறைத் தவிர்த்திருக்கலாம். அனுபவமே பாடம், என பதிவிட்டிருந்தார். இதில் #அனுபவமே_பாடம் என்னும் ஹேஸ்டேக்குகள் தற்போது இணையத்தில் டிரெண்டாகியுள்ளது. ரஜினியின் பஞ்ச் டயலாக்குகள் எப்போதும் டிரெண்டாகும் நிலையில், அவரது டுவீட்டில் பதிவிட்டுள்ள வார்த்தையும் தற்போது டிரெண்டாகியுள்ளது.

Thanks for the Source

Share on Social Media

Leave a Reply

Your email address will not be published. Required fields are marked *